türkiye diyanet wexpi qirghizistanda quran kerim tarqatti

türkiye diyanet wexpi "hediyem quran bolsun layihesi" daireside, 2018-yilning béshidin tartip qrghizistan miqyasida 10 ming dane quran kerimning qirghizche terjimisini tarqatti.

türkiye diyanet wexpi qirghizistanda quran kerim tarqatti

türkiye awazi radiyosi xewiri: türkiye diyanet wexpining hej we ömre ishlirigha mesul mudiri akif ertikin we uning hemrahliqidiki pidaiylar, qirghizistanning osh shehiridiki abduljappar meschitining jamaiti bilen körüshüp, bu yerdiki kishiler we quran kursining 300 oqughuchisigha quran kerim tarqatti.

akif ertikin bashchiliqidiki pidaiylar imam bakit jemiyitining quran kursinimu ziyaret qilip, bu yerde telim éliwatqan ayallar we etraptiki bezi aililergimu quran kerim tarqatti.

türkiye diyanet wexpi osh dölet uniwérstéti ilahiyat fakultétining muawin mudiri ferhat gökche "hediyem quran bolsun layihesi" ning qirghizistandiki ehwali toghrisida melumat berdi.

u ramizan éyida qirghizistanning yette rayonida quran kerim tarqitish pirogrammisining axirlishidighanliqini éytti.

 u, bu yil (2018) bishkek we osh shehirini asas qilghan halda dölet miqyasida jemiy 10 ming dane quran kerimning tarqitilghanliqini bildürdi. u: " türkiye diyanet wexpi we türkiye diniy ishlar idarisining qirghizistan üchün eng chong layihelerdin biri bolghan we xelqning diniy éhtiyajini qamdishi meqset qilip teyyarlanghan <hedis we islam> namilq eserning qirghizche terjimisini tarqitish ishliri ramizan éyi axirlishishtin burun bashlinidu. eserler barliq jamelerge, ilahiyat fakultétlirigha we quran kurslirigha, türkiyening qérindashlirigha hediyesi süpitide teqdim qilinidu" dédi.



مۇناسىۋەتلىك خەۋەرلەر