ilham eliyéw tötinchi qétim pirézidéntliqqa saylandi

ezerbeyjanda ötküzülgen pirézidéntliq saylimining gheyriy resmiy netijilirige asaslanghanda, nöwettiki pirézidént ilham elyéw %86.09 awazni qolgha keltürüp üstünlükni igiligen.

Erdoğan-aliyev.jpg

türkiye awazi radiyosi xewiri: ezerbeyjan merkiziy saylam komitéti bashliqi mezahir penaxow muxbirlarni kütüwélish yighini ötküzüp, saylamning gheyriy resmiy netijilirige qarighanda elyéwning omumiy awazning %86.09 ini qolgha keltürüp ghelibe qilghanliqini uqturdi.

u, saylamda ezerbeyjan birleshme xelq fironti partiyesining namzati qudret hasanguliyéwning %3.4 awazgha ériship ikkinchi, musteqil namzat zahid oruchning %3.07 awazgha ériship üchinchi bolghanliqini eskertti.

saylamgha awaz qatnashturush nisbitining %74.51 bolghanliqi qeyt qilindi.

ilham eliyéw, saylamning gheyriy resmiy netijisi élan qilinghandin kéyin xelqqe xitap qilip, minnetdarliqini ipadilidi we sözini dawamlashturup, «ezerbeyjan xelqi bu saylamda muqimliqqa, bixeterlikke, tereqqiyatqa we güllinishke bélet tashlidi» dédi.

bu jeryanda jumhur reis erdoghan qaytidin pirézidéntliqqa saylanghan ilham eliyéwgha téléfon élip tebriklidi.

jumhur reislik sariyi menbeliridin igilengen uchurgha asaslanghanda erdoghan, eliyéwge ezerbeyjandiki saylamning tinch we xatirjem keypiyat ichide ötkenlikidin xushalliq hés qilghanliqini bildürgen we uni pirézidéntliq saylimida tötinchi qétim ghelibe qilghanliqi munasiwiti bilen tebrikligen.



مۇناسىۋەتلىك خەۋەرلەر