илһам әлийев төтинчи қетим пирезидентлиққа сайланди

әзәрбәйҗанда өткүзүлгән пирезидентлиқ сайлиминиң ғәйрий рәсмий нәтиҗилиригә асасланғанда, нөвәттики пирезидент илһам әлйев %86.09 авазни қолға кәлтүрүп үстүнлүкни игилигән.

Erdoğan-aliyev.jpg

түркийә авази радийоси хәвири: әзәрбәйҗан мәркизий сайлам комитети башлиқи мәзаһир пәнахов мухбирларни күтүвелиш йиғини өткүзүп, сайламниң ғәйрий рәсмий нәтиҗилиригә қариғанда әлйевниң омумий авазниң %86.09 ини қолға кәлтүрүп ғәлибә қилғанлиқини уқтурди.

у, сайламда әзәрбәйҗан бирләшмә хәлқ фиронти партийәсиниң намзати қудрәт һасангулийевниң %3.4 авазға еришип иккинчи, мустәқил намзат заһид оручниң %3.07 авазға еришип үчинчи болғанлиқини әскәртти.

сайламға аваз қатнаштуруш нисбитиниң %74.51 болғанлиқи қәйт қилинди.

илһам әлийев, сайламниң ғәйрий рәсмий нәтиҗиси елан қилинғандин кейин хәлққә хитап қилип, миннәтдарлиқини ипадилиди вә сөзини давамлаштуруп, «әзәрбәйҗан хәлқи бу сайламда муқимлиққа, бихәтәрликкә, тәрәққийатқа вә гүллинишкә беләт ташлиди» деди.

бу җәрйанда җумһур рәис әрдоған қайтидин пирезидентлиққа сайланған илһам әлийевға телефон елип тәбриклиди.

җумһур рәислик сарийи мәнбәлиридин игиләнгән учурға асасланғанда әрдоған, әлийевгә әзәрбәйҗандики сайламниң тинч вә хатирҗәм кәйпийат ичидә өткәнликидин хушаллиқ һес қилғанлиқини билдүргән вә уни пирезидентлиқ сайлимида төтинчи қетим ғәлибә қилғанлиқи мунасивити билән тәбриклигән.



مۇناسىۋەتلىك خەۋەرلەر