әзәрбәйҗанда пирезидент сайлими башланди

әзәрбәйҗанда пирезидент сайлими үчүн беләт ташлаш шу җай вақти саәт 8 дә башланди.

әзәрбәйҗанда пирезидент сайлими башланди

түркийә авази радийоси хәвири: әзәрбәйҗан хәлқи қайтидин намзат болған вә нөвәттә вәзипә өтәватқан пирезидент илһам әлийевниму өз ичигә алған 8 намзат арисидин, дөләтни кәлгүси 7 йил бойичә башқуридиған йеңи пирезидентни сайлап чиқиш үчүн беләт ташлимақта.

истатискилиқ мәлуматларға қариғанда, әзәрбәйҗанда тизимға алдурулған 5 милйон 309 миң сайлиғучи бар болуп, сайламда аваз бериш үчүн дөләт ичи – сиртида 5 миң 641 беләт ташлаш сандуқи қурулған.

игилинишичә, чәт әлдә йашаватқан әзәрбәйҗан пуқралири өзлири турушлуқ дөләтләрдики әзәрбәйҗан баш әлчиханилирида қурлған беләт ташлаш сандуқлирида аваз беридикән.

сайламни 59 дөләт вә 60 хәлқаралиқ тәшкилаттин 890 чәт әллик, 58 миң 175 йәрлик көзәткүчи көзәтмәктә икән. шуниң билән бир вақитта, сайламни әзәрбәйҗан ахбарат васитилиридин сирт йәнә, 21 дөләттин 118 журналистму көзәтмәктә икән, аваз бериш шу җай вақти чүштин кейин саәт 7 дә ахирлишидикән.

пирезидент сайлимида, йеңиз әзәрбәйҗан партийәси намзати вә нөвәттә вәзипә өтәватқан пирезидент илһам әлийевдин сирт йәнә, бирләшмә әзәрбәйҗан хәлқ алдинқи сепи партийәси намзати қудрәт һәсәнгулийев, сотсийал демократлар партийәси намзати араз әлизадә, әзәрбәйҗан миллий ойғиниш һәрикити партийәси намзати ферек қулийев, әзәрбәйҗан хәлқ алдинқи сепидики өктичиләрниң намзати рази нуруллайев, заманиви мусават партийәси намзати һафиз һаҗийев, мустәқил намзат заһид оруч вә демократ партийәси намзати сәрдар мәммедов қатарлиқлар риқабәтләшмәктә икән.



مۇناسىۋەتلىك خەۋەرلەر