girétsiyede türk parlamént ezasi hujumgha uchridi

girétsiye parlaméntida ashqun ongchil altun shepeq partiyesi parlamént ezasi ellias kassidiaris siriza partiyesining rodop parlamént ezasi mustafa mustafagha aghzaki hujum qildi.

girétsiyede türk parlamént ezasi hujumgha uchridi

türkiye awazi radiyosi xewiri: girétsiye taratqulirining xewer qilishiche, tashqi ishlar ministiri nikos kosiasning qibris mesilisi we türkiye – girétsiye munasiwetliri toghruluq parlaméntqa xitab qilishi jeryanida, kassidiarisning «mustafa yighindin qoghlap chiqirilishi kérek» teriqisidiki bayanatliri sewebidin talash – tartish yüz berdi.

kassidiaris mustafagha qaritip, «türk parlamént ezasini arimizgha alalmaymiz, türk jasusi yoqal» dédi.

deslepte komitétning siriza partiyesining yene bir parlamént ezasi nikos ksidakis bilen öktichiler partiyesi bolghan yéngi démokratiye partiyesidin yorgos koumouchakos qatarliq bashqa parlamént ezaliri  altun shepeq partiyesi parlamént ezasining sözlirige naraziliq bildürdi.

talash – tartish ewjige chiqqandin kéyin amanliqni saqlash xadimliri yighin zalining derwazisining aldigha bardi, biraq qisqa waqit ichide yighin qaytidin bashlandi.



مۇناسىۋەتلىك خەۋەرلەر