гиретсийәдә түрк парламент әзаси һуҗумға учриди

гиретсийә парламентида ашқун оңчил алтун шәпәқ партийәси парламент әзаси әллиас кассидиарис сириза партийәсиниң родоп парламент әзаси мустафа мустафаға ағзаки һуҗум қилди.

гиретсийәдә түрк парламент әзаси һуҗумға учриди

түркийә авази радийоси хәвири: гиретсийә таратқулириниң хәвәр қилишичә, ташқи ишлар министири никос косиасниң қибрис мәсилиси вә түркийә – гиретсийә мунасивәтлири тоғрулуқ парламентқа хитаб қилиши җәрйанида, кассидиарисниң «мустафа йиғиндин қоғлап чиқирилиши керәк» тәриқисидики байанатлири сәвәбидин талаш – тартиш йүз бәрди.

кассидиарис мустафаға қаритип, «түрк парламент әзасини аримизға алалмаймиз, түрк җасуси йоқал» деди.

дәсләптә комитетниң сириза партийәсиниң йәнә бир парламент әзаси никос ксидакис билән өктичиләр партийәси болған йеңи демократийә партийәсидин йоргос коумоучакос қатарлиқ башқа парламент әзалири  алтун шәпәқ партийәси парламент әзасиниң сөзлиригә наразилиқ билдүрди.

талаш – тартиш әвҗигә чиққандин кейин аманлиқни сақлаш хадимлири йиғин залиниң дәрвазисиниң алдиға барди, бирақ қисқа вақит ичидә йиғин қайтидин башланди.



مۇناسىۋەتلىك خەۋەرلەر