özbékistangha bügündin étibaren wizisiz baralaysiz

özbékistan türkiyenimu öz ichige alghan 7 dölet puqralirigha 30 künlük wiza kechürüm qilish we 39 dölet puqralirining wiza élishini asanlashturush qararini bügün resmiy ijra qilishqa bashlidi.

özbékistangha bügündin étibaren wizisiz baralaysiz

 

türkiye awazi radiyosi xewiri: özbékistan pirézidénti shewket miziyayéw teripidin 3 – féwralda imzalanghan we «özbékistangha kélidighan sayahetchiler nisbitini ashurushqa muhim hesse qoshush ikaniyiti yaritish» qararnamisigha binaen bügündin bashlap türkiye, israiliye, hindonéziye, jenubiy koréye, malashiya, singapor we yaponiye puqraliri wiza almastin 30 künlük sayahet üchün özbékistangha baralaydu.

özbékistangha uchidighan ayropilandiki kütkichilermu bu wiza kechürüm qilish qararnamisidin paydilinalaydu.

qararnamida yene, 39 dölet puqralirining özbékistangha wiza élishini asanlashturush belgilimisidin paydilinip, 2 kün ichidila wiza alalaydighanliqi bildürüldi.

wiza asanlashturulghan mezkur döletler töwendikiche: 

xitay we xitaygha qarashliq xongkong alahide rayoni, awstiraliye, albaniye, andorra, bulghariye, bosniye – girétsigowéna, watikan, hongiriye, géritsiye, daniye, hindistan, irlandiye jumhuriyiti, i.bandiye kanada, litwaniye, léchténstén, liyuksémborg, makédoniye, malta, monako, gollandiye, yéngi zélandiye, norwégiye, ereb birleshme xelipiliki, oman, portugaliye, san marino, seudi erebistan, sérbiye, slowakiye, sloniye, amérika, finlandiye, kirodiye, qaradagh, shiwétsiye we éstoniye.

bu qarar arqiliq özbékistanda wizisiz sayahet qilalaydighan omumiy dölet sanining 16 ge  we wiza asanlashturulghan dölet sanining 51 ge chiqqanliqi qeyt qilindi.

özbékistan buningdin ilgiri qirghizistan, ezerbeyjan, erméniye, bilurusiye, giroziye, qazaqistan, moldowa, rusiye we ukraina puqraliridin wiza telep qilmaytti. biraq awstiraliye, bélgiye, engliye, firansiye, gérmaniye, ispaniye, italiye, jéx jumhuriyitini, létoniye we taland puqralirigha nisbeten wizini asanlashturushni yolgha qoyup kelmekte idi.

özbékistanning wiza resmiyetliri bashqa chet elliklerge nisbeten iltimas sunghan tunji künidin tartip, 10 kün ichide tamamlinidu.


خەتكۈچ: wiza , özbékistan

مۇناسىۋەتلىك خەۋەرلەر