өзбекистанға бүгүндин етибарән визисиз баралайсиз

өзбекистан түркийәниму өз ичигә алған 7 дөләт пуқралириға 30 күнлүк виза кәчүрүм қилиш вә 39 дөләт пуқралириниң виза елишини асанлаштуруш қарарини бүгүн рәсмий иҗра қилишқа башлиди.

өзбекистанға бүгүндин етибарән визисиз баралайсиз

 

түркийә авази радийоси хәвири: өзбекистан пирезиденти шәвкәт мизийайев тәрипидин 3 – февралда имзаланған вә «өзбекистанға келидиған сайаһәтчиләр нисбитини ашурушқа муһим һәссә қошуш иканийити йаритиш» қарарнамисиға бинаән бүгүндин башлап түркийә, исраилийә, һиндонезийә, җәнубий корейә, малашийа, сингапор вә йапонийә пуқралири виза алмастин 30 күнлүк сайаһәт үчүн өзбекистанға баралайду.

өзбекистанға учидиған айропиландики күткичиләрму бу виза кәчүрүм қилиш қарарнамисидин пайдилиналайду.

қарарнамида йәнә, 39 дөләт пуқралириниң өзбекистанға виза елишини асанлаштуруш бәлгилимисидин пайдилинип, 2 күн ичидила виза алалайдиғанлиқи билдүрүлди.

виза асанлаштурулған мәзкур дөләтләр төвәндикичә: 

хитай вә хитайға қарашлиқ хоңкоң алаһидә райони, австиралийә, албанийә, андорра, булғарийә, боснийә – гиретсиговена, ватикан, һонгирийә, геритсийә, данийә, һиндистан, ирландийә җумһурийити, и.бандийә канада, литванийә, лечтенстен, лийуксемборг, македонийә, малта, монако, голландийә, йеңи зеландийә, норвегийә, әрәб бирләшмә хәлипилики, оман, португалийә, сан марино, сәуди әрәбистан, сербийә, словакийә, слонийә, америка, финландийә, киродийә, қарадағ, шиветсийә вә естонийә.

бу қарар арқилиқ өзбекистанда визисиз сайаһәт қилалайдиған омумий дөләт саниниң 16 гә  вә виза асанлаштурулған дөләт саниниң 51 гә чиққанлиқи қәйт қилинди.

өзбекистан буниңдин илгири қирғизистан, әзәрбәйҗан, әрменийә, билурусийә, гирозийә, қазақистан, молдова, русийә вә украина пуқралиридин виза тәләп қилмайтти. бирақ австиралийә, белгийә, әнглийә, фирансийә, германийә, испанийә, италийә, җех җумһурийитини, летонийә вә таланд пуқралириға нисбәтән визини асанлаштурушни йолға қойуп кәлмәктә иди.

өзбекистанниң виза рәсмийәтлири башқа чәт әлликләргә нисбәтән илтимас сунған тунҗи күнидин тартип, 10 күн ичидә тамамлиниду.



مۇناسىۋەتلىك خەۋەرلەر