қазақистанниң тәмиртав шәһиридә қара қар йағди

қазақистанниң тәмиртав шәһиридә қара рәңлик қар йеғип һәммини таң қалдурди.

қазақистанниң тәмиртав шәһиридә қара қар йағди

түркийә  авази радийоси хәвири: қазақистанниң оттура қисмиға җайлашқан тәмиртавда қара рәңлик қара йеғип һәммини таң қалдурди.

тәмиртав аһалилири һөкүмәттин бу һадисиниң сәвәбини ениқлап чиқишни тәләп қилип учур тарқатти.

инстаграмда бир ишләткүчи мундақ учур йазди: «қара қар астида йашишимиз мумкин әмәс, бу җайда тунҗуқуп қалидиған охшаймиз.»

рәсмий вә мустәқил тәтқиқачилардин тәшкил тапқан тәтқиқат гурупписи қара рәңлик қараниң қандақ шәкилләнгәнликини ениқлап чиқиш үчүн һәрикәткә өтти.

тәмиртав қазақситанниң полат-төмүр ишләпчиқиридиған әң чоң базиси болуп, бу шәһәрдики завутлар һаваниң булғинишиға сәвәб болуш билән биргә, қара рәңлик қарниң йеғишиниму кәлтүрүп чиқарғанлиқи илгири сүрүлмәктә.

ArcelorMittal исимлик хәлқара ширкәт болса районниң һавасиниң булғинишиға сәвәб болғучиларниң қатарида көрситилишигә наразилиқ билдүрмәктә.

бултур декабирда пәқәтла шамал чиқип бақмиған районда 11 қетим һидроген сулфат нисбитиниң нормал миқдардин ешип кәткәнлики ениқланди.

бәзи тәмиртав аһалилири бу һадисә тоғрулуқ имза йиғиш паалийити уйуштуруп йиғилған имзаларни қазақистан пирезиденти нурсултан нәзәрбайевниң қизи вә муһит тәшкилати бирлмәшмисиниң башлиқи әлийа нәзәрбайевға әвәтти.

тәмиртав шәһиридики қараганда райони қазақистан бойичә һаваси әң мәйнәт вә тәбиәткә әң көп химийилик қалдуқ нәрсиләрни ташлайдиған район һесаблиниду.

билдүрүлүшичә, 2016-йили 600миң тонна зийанлиқ нәрсә ташливетилгән.

игилинишичә, қазақистанда шиддәтлик боран-чапқан чиқип җиддий һаләт елан қилинған.



مۇناسىۋەتلىك خەۋەرلەر