amérika ezerbeyjannimu térrorluq xewpi bar döletler qatarida körsetti

ezerbeyjan tashqi ishlar ministirliqi bayanatchisi hikmet hajiyéw amérikaning ezerbeyjanni «térrorluq xewpi bar döletler» qatarigha kirgüzgenliki toghrisida yazma bayanat élan qildi.

amérika ezerbeyjannimu térrorluq xewpi bar döletler qatarida körsetti

türkiye awazi radiyosi xewiri: ezerbeyjan amérika tashqi ishlar ministirliqi teripidin élan qilinghan sayahet agahlandurushi tizimlikide, ezerbeyjanning térrorluq xewpi bar döletler qatarigha kirgüzülgenlikige heyran qalghanliqini bildürdi.

ezerbeyjan tashqi ishla ministirliqi bayanatchisi hikmet hajiyéw bu heqte élan qilghan yazma bayanatida, ezerbeyjan bolush süpiti bilen térrorluqning barliq türlirini eyibleydighanliqini eskertti.

hikmet hajiyéw yéqinqi yillardin buyan ezerbeyjangha kelgen sayahetchiler sanining %24 örligenlikini, 2017 – yilida 2 milyon 700 ming sayahetchini kütüwalghanliqini eskertip: «yawropa tenterbiye musabiqilirigha, islam hemkarliqi tenterbiye musabiqilirigha we formula 1 aptomobil musabiqilirigha sahibxanliq qilghan, amérika we rusiye pirézidéntlirini kütüwalghan, shimaliy atlantik ehdi teshkilati we rusiyening yuqiri derijilik herbiy emeldarlirining uchrishishlirigha sahibxan bolghan ezerbeyjan heqqide, amérika tashqi ishlar ministirliqining bundaq bayanatlarni élan qilishi heqiqeten heyran qalarliq» dédi.

ezerbeyjanda muqimliq we jemiyet amanliqining eng yuqiri sewiyede kétip barghanliqini tekitligen hikmet hajiyéw: «ezrebeyjan hökümiti erméniye ishghal qiliwalghan zéminlardin bashqa pütün memliket miqyasining bixeterlikini kontrolluqi astida tutup kelmekte. erméniyening ishghaliyitila rayonning tinchliqi we bixeterliki üchün eng birinchi tehdit bolushni dawamlashturmaqta» dédi.


خەتكۈچ: térrorluq , amérika , ezerbeyjan

مۇناسىۋەتلىك خەۋەرلەر