qishliq hawa özgirishi uyghur élighimu tesir körsetti
uyghur élide qattiq yaghqan qar sewebidin 25 mingdin artuq ishchining qar tazilashqa seperwer qilinghanliqi bildürüldi.
türkiye awazi radiyosi xewiri: amérikaning bir qanche ishtati qar we qattiq soghuqning tesiri astida qaldi.
minnisota ishtatida hawa timpératurasi 0 din töwen 37 giradusqa chüshti. pénsilwaniye ishtatigha qarashliq ériy sheher xelqi ikki kün ichide ishtat tarixidiki eng shiddetlik shiwirghangha duch keldi. sheherde qar qélinliqi 1 métirdin éship ketti.
boston shehiri we niyu york shehiridimu qar köp yaghdi.
kanadaning bezi sheherliride hawa timpératurasi 0 din töwen 43 giradusqa chüshti.
engliyening ottura we jenubiy rayonlirida qar we shiwirghanning tesiride 73 mingdin artuq ailening éléktiri üzülüp qaldi. tashyol we hawa qatnishimu tesirge uchridi.
uyghur élidimu qattiq qar yaghdi. rayonda 25 mingdin artuq ishchi we ming dane her xil aptomobil qar tazilashqa seperwer qilindi.
