kerkükning yéngi waliysi muxbirlarni kütüwélish yighini ötküzdi

iraq memuriy ishlar mehkimisi, kerkükning sabiq waliysi nejmuddin kerimning wezipisidin élip tashlinishigha dair qararni maqullidi.

kerkükning yéngi waliysi muxbirlarni kütüwélish yighini ötküzdi

türkiye awazi radiyosi xewiri: iraq memuriy ishlar mehkimisi yazma bayanat élan qilip, kerimning wezipidin élip tashlinishigha étiraz bildürüp sotqa erz sunghanliqini, sotning mesilige qarap chiqish arqiliq  sabiq waliy kerimning wezipidin élip tashlinishining toghra bolghanliqini maqullighanliqini bildürdi.

iraq parlaménti, nejmuddin kerimni bölgünchilik qilghanliqi üchün, 14 – séntebirde wezipidin élip tashlighanidi.

iraq merkiziy hökümiti, dölet xewpsizlik küchlirini kerkükning bixeterlikini kapaletke ige qilishidin kéyin, sheherge muawin waliy rakan sait juburini waliyliqqa teyinligenidi. jeburiy tünügün muxbirlarni kütüwélish yighini ötküzüp, «bügündin bashlap merkiziy baghdad hökümiti teripidin waliyliqqa teyinlendim. bir waliy bolush süpitim bilen, sheher ritimining qaytidin normallishishi üchün kéreklik wezipini üstümge alimen» dégenidi.


خەتكۈچ: türkmen , kord , baghdad , iraq , kerkük

مۇناسىۋەتلىك خەۋەرلەر