«rusiye qirim tatarlirigha séliwatqan zulumni toxtitishi kérek»

yawropa parlaménti rusiyening ishghaliyiti astidiki qirimda tatar xelqige séliwatqan zulumni toxtitishini telep qildi.

«rusiye qirim tatarlirigha séliwatqan zulumni toxtitishi kérek»

türkiye awazi radiyosi xewiri:  yawropa parlaméntining strasburgda chaqirilghan yighinida, qirim tatarlirining nöwettiki ehwali heqqide muzakire élip bérildi.

qirim tatarliri milliy mejlisining muawin bashliqi ilmi ömerow bilen extem chiygözge qamaq jazasi bérilishini tenqid qilghan yawropa parlaménti ezaliri rusiyening qararliri kishilik hoquqqa xilap bolghanliqi üchün moskwadin buningdin waz kéchishini  telep qildi.

tatar rehberlerning derhal qoyup bérilishi, zhurnalist mikola séména üstidin chiqirilghan barliq eyibleshlerning bika rqilinishini telep qilghan parlamént ezaliri, térrorizm, bölgünchilik we esebiylikke munasiwetlik qanun – belgilimilerni ijra qilishning ishghaliyet astidiki qirimda kishilik hoquq jehettin jiddiy keynige chékinish ehwallirining kélép chiqishigha seweb boluwatqanliqini tekitlidi.

parlamét ezaliri rusiyening qirimni bésiwélishining qanunsiz ikenlikini, jümlidin moskwaning hem rusiye hem ukraina teripidin imzalanghan xelqara we yawropa qanunlirini ayagh asti qilghanliqini eskertti.

nutuqlardin kéyin  xelqara jemiyetning neziri qirimdiki kishilik hoquq depsendichiliklirige aghdurulghan we qirim tatarliri tartiwatqan zulum eyiblengen qanun teklipi maqullandi.

ijra qildurush küchi bolmighan qanun teklipide, yawropa ittipaqi kéngishidin «térrorizmni qollishi, ishghal astidiki qirimda ukrainaliqlar bilen tatarlargha ayrimchiliq qilishi» tüpeyli ukrainaning xelqara edliye mehkimisige rusiye üstidin erz sunushini qollishi telep qilindi.

rusiye 2014 – yili ukraina térrotériyesi bolghan qirimni bésiwalghan, arqidinla qirim tatarliri milliy mejlisining paaliyetlirini toxtatqanidi.

qirimda paaliyet élip bériwatqan rus sot mehkimiliri ötken ay tatar rehberliridin ilmi ömerowgha 2 yil, extem chiygkzge 8 yil qamaq jazasi bergenidi.



مۇناسىۋەتلىك خەۋەرلەر