özbékistan arakan musulmanliri toghrisida bayanat élan qildi

özbékistan, birma dairilirini arakan musulmanlirigha yürgüzülüwatqan zorawanliq weqelirini toxtitishqa chaqirdi.

özbékistan arakan musulmanliri toghrisida bayanat élan qildi

türkiye awazi radiyosi xewiri: özbékistan tashqi ishlar ministirliqi bayanat élan qilip, birmadiki weziyetning, bolupmu arakan musulmanliri duchar boluwatqan zorawanliq weqelirining özbékistanda endishe yaratqanliqini bildürdi.

özbékistanning dunya kishilik hoquq xitabnamisi we b d t  da körsitilgen pirinsiplar bilen islam hemkarliq teshkilatining nishan we wezipilirini chiqish qilghan halda, her türlük zorawanliq qilmishlirini eyibleydighanliqi eskertilgen bayanatta, «birma hökümitini, bigunah musulmanlargha yürgüzülüwatqan zorawanliq weqelirige xatime bérilishi, zorawanliq weqelirining aldining élinishi we saqliniwatqan mesilining peqet tinch usullar bilen hel qilinishi üchün zörür bolghan barliq chare – tedbirlerni yolgha qoyushqa chaqirimiz» dégen ibarilerge orun bérildi.

bayanatta yene, özbékistan hökümitining arakanliq musapirlarning éhtiyajlirini qamdash üchün yardem eshyalirini yollashni qarar qilghanliqimu qeyt qilindi.

birma armiyesining qoralliq militaristlargha qarshi küresh qilidighanliqini ilgiri sürüp, arakandiki puqralargha qaratqan 25- awghusttin buyanqi hujumlirida minglarche musulman hayatidin ayrildi. birma dairiliri, rayongha kirish – chiqishlargha ruxset qilmighanliqi üchün, hazirche ölgen puqralar sanini toluq éniqlap chiqish imkaniyiti yoq.

armiye bilen milletchi buddistlarning hujumlirida 150 din artuq yéza weyran qilip tashlandi. on minglarche arakanliq musulman hayati bixeterlikini nezerde tutup rayondin qéchishqa tirishmaqta.

birmadin qachqan puqralar taghliq rayonlar, naf deryasi yaki déngiz yoli arqiliq bangladish terepke ötmekte.



مۇناسىۋەتلىك خەۋەرلەر