түркийә, русийә вә иран һәйәтлири қазақистанда учрашти

қазақистанниң пайтәхти астанада 14-сентәбирдин 15 –сентәбиргичә өткүзүлидиған сүрийә мәсилиси йиғининиң тәййарлиқ хизмәтлири давамлашмақта.

түркийә, русийә вә иран һәйәтлири қазақистанда учрашти

түркийә авази радийоси хәвири: түркийә, русийә вә иран һәйәтлири қазақистанниң пайтәхти астанада, 14-сентәбирдин 15 –сентәбиргичә 6 –нөвәтлики өткүзүлидиған сүрийә мәсилиси йиғинидин илгири учришишларда болди.

сүрийәдә уруш тохтитишниң капаләтчилири болған түркийә, русийә вә иран һәйәтлири тәййарлиқ йиғинини башлиди.

түркийә һәйитигә, муавин ташқи ишлар министири сәдат онал рийасәтчилик қилмақта. русийә һәйитигә болса, пирезидент владимир путинниң сүрийә алаһидә вәкили александер лаврентев, иран һәйитигә, муавин ташқи ишлар министири һүсәйин җабири әнсари рийасәтчилик қилмақта.

сүрийәдин бәшшар әсәд һөкүмити вәкили вә һәрбий өктичиләрниң вәкиллириму қатнишидиған чоң йиғин, ахбаратчиларға йепиқ өткүзүлүватқан техникилиқ учришишлар ахирлашқандин кейин башлиниду.   



مۇناسىۋەتلىك خەۋەرلەر