ilham eliyéw arakan musulmanliri üchün xelqarani heriketke ötüshke chaqirdi

ezerbeyjan pirézidénti ilham eliyéw xelqara jamaetchilikni arakanda musulmanlargha qarita sadir qiliniwatqan jinayetlerge qarshi derhal heriketke ötüshke chaqiriq qildi.

ilham eliyéw arakan musulmanliri üchün xelqarani heriketke ötüshke chaqirdi

türkiye awazi radiyosi xewiri: ilham ilham eliyiéw islam hemkarliq teshkilati 1 – nöwetlik pen – téxnika aliy derijilik rehber yighinida qilghan sözide, islam hemkarliq teshkilatigha eza döletler bilen we xelqaraliq teshkilatlar bilen özara hemkarliq ornatqanliqini bildürdi.

islam hemkarliq teshkilatining ezerbeyjan – erméniye mesliside ezerbeyjanni we chégra rayonining igilik hoquqini qollap – quwwetligenlikini tilgha élip, islam hemkarliq teshkilatining bu heqte adil we muhim qararlarni maqullighanliqini éytti.

pirézidént ilham eliyiéw biraq mezkur qararlargha erméniyening riaye qilmighanliqigha qarita émbargo yürgüzülmigenlikini alahide tekitlep, bu ehwallargha «qosh ölchemlik ish tutush» dep baha berdi.

ezerbeyjan zéminining %20 tining erméniye ishghaliyiti astida ikenlikini eskertken ilham eliyéw, 1 milyondin artuq ezerbeyjan xelqining öz zéminida panahlanghuchigha aylinip qalghanliqini bildürdi.

erméniyedimu islamgha öchmenlik qilish éqimining ewj éliwatqanliqini bildürüp, «erméniye musulman döletler bilen munasiwet ornitishqa tirishmaqta. biraq ularning sözlirige ishenmeslik lazim. muqeddes jaylirimizni we jamelirimizni örüp tashlighan erméniye hergizmu musulman döletlerning dosti bolalmaydu» dédi.

ilham eliyéw islamgha öchmenlik qilish herikitige qarshi aktip küresh qiliwatqanliqini tekitlep, «musulmanlargha qarita sadir qilinghan jinayetlerni qattiq eyibleymiz. shuningdek arakan musulmanliri düch kelgen zorawanliq weqelirinimu qattiq eyibleymiz. birmadiki weziyetning yamanliship kétishining aldini élish üchün xelqaraliq teshkilatlarni, siyasiy we diniy rehberlerni ünümlük qedemlerni tashlashqa chaqiriq qilimiz» dédi.

 



مۇناسىۋەتلىك خەۋەرلەر