илһам әлийев аракан мусулманлири үчүн хәлқарани һәрикәткә өтүшкә чақирди

әзәрбәйҗан пирезиденти илһам әлийев хәлқара җамаәтчиликни араканда мусулманларға қарита садир қилиниватқан җинайәтләргә қарши дәрһал һәрикәткә өтүшкә чақириқ қилди.

илһам әлийев аракан мусулманлири үчүн хәлқарани һәрикәткә өтүшкә чақирди

түркийә авази радийоси хәвири: илһам илһам әлийиев ислам һәмкарлиқ тәшкилати 1 – нөвәтлик пән – техника алий дәриҗилик рәһбәр йиғинида қилған сөзидә, ислам һәмкарлиқ тәшкилатиға әза дөләтләр билән вә хәлқаралиқ тәшкилатлар билән өзара һәмкарлиқ орнатқанлиқини билдүрди.

ислам һәмкарлиқ тәшкилатиниң әзәрбәйҗан – әрменийә мәслисидә әзәрбәйҗанни вә чегра райониниң игилик һоқуқини қоллап – қуввәтлигәнликини тилға елип, ислам һәмкарлиқ тәшкилатиниң бу һәқтә адил вә муһим қарарларни мақуллиғанлиқини ейтти.

пирезидент илһам әлийиев бирақ мәзкур қарарларға әрменийәниң риайә қилмиғанлиқиға қарита ембарго йүргүзүлмигәнликини алаһидә тәкитләп, бу әһвалларға «қош өлчәмлик иш тутуш» дәп баһа бәрди.

әзәрбәйҗан земининиң %20 тиниң әрменийә ишғалийити астида икәнликини әскәрткән илһам әлийев, 1 милйондин артуқ әзәрбәйҗан хәлқиниң өз земинида панаһланғучиға айлинип қалғанлиқини билдүрди.

әрменийәдиму исламға өчмәнлик қилиш еқиминиң әвҗ еливатқанлиқини билдүрүп, «әрменийә мусулман дөләтләр билән мунасивәт орнитишқа тиришмақта. бирақ уларниң сөзлиригә ишәнмәслик лазим. муқәддәс җайлиримизни вә җамәлиримизни өрүп ташлиған әрменийә һәргизму мусулман дөләтләрниң дости болалмайду» деди.

илһам әлийев исламға өчмәнлик қилиш һәрикитигә қарши актип күрәш қиливатқанлиқини тәкитләп, «мусулманларға қарита садир қилинған җинайәтләрни қаттиқ әйибләймиз. шуниңдәк аракан мусулманлири дүч кәлгән зораванлиқ вәқәлириниму қаттиқ әйибләймиз. бирмадики вәзийәтниң йаманлишип кетишиниң алдини елиш үчүн хәлқаралиқ тәшкилатларни, сийасий вә диний рәһбәрләрни үнүмлүк қәдәмләрни ташлашқа чақириқ қилимиз» деди.

 



مۇناسىۋەتلىك خەۋەرلەر