nezerbayéw: xitayning ottura asiyagha ulinishida qorghas muhim rol oynidi

xitay dölet reisi shi jinping qazaqistanda resmiy ziyarette boldi.

nezerbayéw: xitayning ottura asiyagha ulinishida qorghas muhim rol oynidi

 

türkiye awazi radiyosi xewiri: qazaqistan pirézidénti nursultan nezerbayéw xitay dölet reisi shi jinpingni pirézidéntliq sariyida resmiy murasim bilen qarshi aldi.

murasimdin kéyin ayrim – ayrim we heyetler ara ötküzülgen uchrishishlarda, ikki dölet otturisidiki iqtisadi munasiwet, sélinma, kültür, téxnika we bixeterlik saheliri boyiche hemkarliq ornitish imkaniyetliri muzakire qilindi.

pirézidént nezerbayéw  qazaqistan – xitay munasiwetlirining ülgilik ehmiyetke ige ikenlikini bildürüp, «bizning arimizda hel bolmighan mesile qalmidi, iqtisad saheside xitay qazaqistanning muhim shérikidur» dédi we bügünge qeder xitaygha qazaqistanning wastisi bilen 100 milyon tonna néfit, 180 milyard kup métir tebiiy gaz yollanghanliqini bildürüp, «döletlirimiz otturisidiki soda omumiy sommisi, xitayning tamuzhna dairilirining sanliq melumatlirigha qarighanda %46 ashqan. bizning sanliq melumatlirimizgha asaslanghanda %30 ashqan» dédi.

xiitayning «bir belwagh؛ bir yol»  layihesini aktip halda qollap kéliwatqanliqini eskertken nezerbayéw, «bir belwagh؛ bir yol layihesi dairiside, bizning «nurluq yol» layihemizge alaqidar kélishimimizni imzalashqandin kéyin, xitay chégrasidin tartip, hazar déngizighiche tömür yol yasap bolduq. xitay chégrasidiki qorghas éghizimiz bilen almata shehirimimiznimu bir birige tutashturduq. bu arqiliq xitayning ottura asiyagha ulinishi ishqa ashti» dédi.  

xitay dölet reisi shimu bir belwagh bir yol layihesini qollap – quwwetligenliki üchün qazaqistangha rexmet éytip, «xitay bilen qazaqistan otturisidiki barliq sahelerde qoyuq munaiswetlerning ishqa éshishi, ikki dölet otturisidiki istratégiyelik shériklikning namayendisidur» dédi. 

qazaqistan – xitay soda - sanaetchiler kéngishi yighinida ikki dölet otturisida omumiy qimmiti 8 milyard dollarliq 20 kélishim imzalandi.

 



مۇناسىۋەتلىك خەۋەرلەر