нәзәрбайев: хитайниң оттура асийаға улинишида қорғас муһим рол ойниди

хитай дөләт рәиси ши җинпиң қазақистанда рәсмий зийарәттә болди.

нәзәрбайев: хитайниң оттура асийаға улинишида қорғас муһим рол ойниди

 

түркийә авази радийоси хәвири: қазақистан пирезиденти нурсултан нәзәрбайев хитай дөләт рәиси ши җинпиңни пирезидентлиқ сарийида рәсмий мурасим билән қарши алди.

мурасимдин кейин айрим – айрим вә һәйәтләр ара өткүзүлгән учришишларда, икки дөләт оттурисидики иқтисади мунасивәт, селинма, күлтүр, техника вә бихәтәрлик саһәлири бойичә һәмкарлиқ орнитиш имканийәтлири музакирә қилинди.

пирезидент нәзәрбайев  қазақистан – хитай мунасивәтлириниң үлгилик әһмийәткә игә икәнликини билдүрүп, «бизниң аримизда һәл болмиған мәсилә қалмиди, иқтисад саһәсидә хитай қазақистанниң муһим шерикидур» деди вә бүгүнгә қәдәр хитайға қазақистанниң вастиси билән 100 милйон тонна нефит, 180 милйард куп метир тәбиий газ йолланғанлиқини билдүрүп, «дөләтлиримиз оттурисидики сода омумий соммиси, хитайниң тамужна даирилириниң санлиқ мәлуматлириға қариғанда %46 ашқан. бизниң санлиқ мәлуматлиримизға асасланғанда %30 ашқан» деди.

хиитайниң «бир бәлвағ؛ бир йол»  лайиһәсини актип һалда қоллап келиватқанлиқини әскәрткән нәзәрбайев, «бир бәлвағ؛ бир йол лайиһәси даирисидә, бизниң «нурлуқ йол» лайиһәмизгә алақидар келишимимизни имзалашқандин кейин, хитай чеграсидин тартип, һазар деңизиғичә төмүр йол йасап болдуқ. хитай чеграсидики қорғас еғизимиз билән алмата шәһиримимизниму бир биригә туташтурдуқ. бу арқилиқ хитайниң оттура асийаға улиниши ишқа ашти» деди.  

хитай дөләт рәиси шиму бир бәлвағ бир йол лайиһәсини қоллап – қуввәтлигәнлики үчүн қазақистанға рәхмәт ейтип, «хитай билән қазақистан оттурисидики барлиқ саһәләрдә қойуқ мунаисвәтләрниң ишқа ешиши, икки дөләт оттурисидики истратегийәлик шерикликниң намайәндисидур» деди. 

қазақистан – хитай сода - санаәтчиләр кеңиши йиғинида икки дөләт оттурисида омумий қиммити 8 милйард долларлиқ 20 келишим имзаланди.

 



مۇناسىۋەتلىك خەۋەرلەر