қибрис музакирилири давам қилмақта

қибрис мәсилисиниң һәл қилиниши йолида февралда башланған музакирә мусаписи давам қилмақта.
аралда мәңгүлүк ортақ дөләтниң қуруп чиқилиши үчүн түрк музакиричи қудрәт өзәрсай билән рум музакиричи андреас мавройаннис тәңпуң районда музакирилирини давамлаштурмақта.
музакиричиләр түнүгүн йәнә бир қетим учрашти؛ 4 саәт давамлашқан учришишта йавропа иттипақи вә пуқралиқ мәсилиси муһакимә қилинди, һәр икки тәрәпниң пикир – тәклиплиригә қарап чиқилди.
музакиричи қудрәт өзәрсай, бу қетимқи учришишниң бурунқилириға қариғанда техиму достанә вә сәмимий кәйпийат ичидә өткәнликини ейтти. һазирғичә музакирә қилинған мәсилиләрдә илгириләш һасил қилинғанлиқини әскәрткән өзәрсай, лекин музакириләрдә хизмәт пиланиниң муәййәнләштүрүлүши мәсилисидә тәрәпләр арисида һазирғичә пикир бирлики һасил қилинмиғанлиқини қәйт қилди.
икки тәрәпниң 23- ийунда өткүзүлидиған йәнә бир қетимлиқ йиғинда, шималий қибрис түрк җумһурийити җумһур рәиси дәрвиш әроғлу билән рум рәһбири никос анастасиадис тәңпуң районда учришиду.