émiliyano salaning ölümi putbol dunyasini matemge chömdürdi

argéntinaliq putbolchi émiliyano sala we uchquchini öz ichige alghan ayropilanning qalduqliri tépilghan bolup, ichidin kimliki namelum jesetler chiqirilghan idi.

2019-02-07T231141Z_983758406_RC1C17E0F5E0_RTRMADP_3_SOCCER-SALA-CRASH.JPG

türkiye awazi radiyosi: engliye saqchiliri 4-féwral tépilghan jesetning, putbolchi émiliyano salaning ikenlikini élan qildi.

2019—yil 21-yanwar firansiyening nantés shehiridin gallér paytextige qarap uchqan ikki kishilik ayropilan mansh déngizining hawa tewelikide yoqap ketken idi. 2019-yil 4-féwral ayropilanning qalduqliri bilen bir jeset tépilghan idi.

engliye saqchi dairiliri bu heqte bayanat élan qilip, déngizdin chiqirilghan jesetning 28 yashliq émiliyano salaning ikenlikini bildürdi. bu xewerning tarqilishi bilen, putbol dunyasi yene bir qétim matemge chömdi.

émiliyano sala burun eza bolghan nantés we «kardif siti» (Cardiff City) qatarliq kulublar, putbolchigha matem bildürüp, télégramma yollidi.

ayropilan radardin ghayip bolghandin kéyin bashlanghan izdesh-qutquzush xizmetliri aridin üch kün ötkende toxtitilghan bolup, émiliyano salaning ailisi we nurghun dangliq putbolchi teripidin iqtisad bilen teminlengen mexsus etret izdesh-qutquzush xizmitini dawamlashturghan idi.



مۇناسىۋەتلىك خەۋەرلەر