фәнәрбаһчә командиси гуруппидин чиқишни капаләтләндүрди
фәнәрбаһчә командиси йавропа путбол федератсийәлири бирләшмиси (UEFA) ниң D гурупписида өткүзүлгән алтә мәйдан мусабиқидә еришкән нәтиҗилири билән, гуруппидин чиқишни капаләткә игә қилди.
түркийә авази радийоси хәвири: йавропа путбол федератсийәлири бирләшмисиниң D гуруппидин чиқишни капаләткә игә қилған фәнәрбаһчә командиси гуруппидики ахирқи мусабиқисидә, словакийәниң спартак трнава командисиға 1 гә қарши 0 нәтиҗә билән уттуруп қойди.
икки команда үчүн символлуқ мәнигә игә бу мусабиқидә, фәнәрбаһчә командисиниң теринери әрвин коеман, йигитхан гүвәли, өмәр чаки вә маһсун чапкан қатарлиқ йашларға мәйданға чүсүш пурсити йаритип бәрди. мусабиқә башлинип 41 минут өткәндә спартак трнава командисиниң әсли түрк австирийәлик маһири қубиләй йилмаз фәнәрбаһчә командисиниң варатасиға бир топ киргүзди. шуниң билән, биринчи мәйдан мусабиқә спартак трнава командисиниң үстүнлүки билән ахирлашти. иккинчи мәйдан мусабиқидә һәр икки тәрәпниң варатасиға тепилгән һечқандақ топ болмиғанлиқи үчүн нәтиҗә 0-1 билән ахирлашти.
фәнәрбаһчә командиси гурупписида ойниған алтә мусабиқидә икки қетим ғәлибә қилди, икки қетим нәтиҗини тәңләштүрди, икки қетим уттуруп қойди. гуруппида динамав загреб командиси биринчиликни, фәнәрбаһчә командиси иккинчиликни қолға кәлтүрүп, гуруппидин чиқишни капаләтләндүрди.
