бәшикташ командиси норвегийә командисини йәңди

түркийә бәшикташ командиси йавропа путбол федератсийәлири бирләшмиси (UEFA) йавропа дәриҗидин ташқири бирләшмә мусабиқилириниң I гурупписидики 5-мәйдан мусабиқидә норвегийәниң «Sarpsborg» командиси билән мусабиқиләшти.

бәшикташ командиси норвегийә командисини йәңди

түркийә авази радийоси хәвири: норвегийә командисиниң маһири рашад муһәммәд мусабиқә башлинип 47 секунт болғанда, бәшикташ командисиниң варатасиға бир топ киргүзүп, мусабиқини үстүнлүк билән башлиған болди. мусабиқә башлинип алтә минут өткәндә болса, норвегийә командисиниң тобийас һейинтз бәшикташ командисиниң варатасиға йәнә бир топ киргүзүп, нәтиҗини 0 гә қарши 2 гә чиқарди. биринчи мәйдан мусабиқә норвегийә командисиниң бесими вә үстүнлүки билән ахирлашти.

иккинчи мәйдан мусабиқидә, башқа бәшикташ командиси мәйданда иди. арқиму арқа кәлгән пурсәтләрни чиң тутқан бәшикташ командиси норвегийә командисиниң варатасиға 62-минутта бир топ, арқидин төт минут өткәндә йәнә бир топ киргүзди. 90-минутта йәнә бир топ киргүзгән бәшикташ командиси, 2 гә қарши 0 нәтиҗә билән башланған мусабиқини 2 гә қарши 3 нәтиҗигә чиқирип, мусабиқини ғәлибә ахирлаштурди.

бәшикташ командиси буниң билән гурупписидики нәтиҗисини 7 номурға чиқирип, иккинчи орунға игә болди вә 32 командиниң ичигә кириш үчүн муһим илгириләшни қолға кәлтүрди.



مۇناسىۋەتلىك خەۋەرلەر