süriyeliklerge qilinidighan yardemning %35 i hel qilinghan

2011-yildin tartip ichki urush höküm sürüwatqan süriye ichide yaki musapir halitidiki milyonlarche süriyeliklerge insanperwerlik yardimi yetküzüsh üchün éhtiyajliq bolghan texminen 2 milyard dollar iqtisadiy yardemning %35 i hel qilindi.

süriyeliklerge qilinidighan yardemning %35 i hel qilinghan

türkiye awazi radiyosi xewiri: b d t musapirlar aliy komissariyati 2011-yildin tartip ichki urush toxtimaywatqan süriyede we qoshna döletlerde panahlanghan milyonlarche süriyeliklerge insanperwerlik yardem yetküzüsh üchün éhtiyajliq bolghan texminen 2 milyard dollarning %35 ning hel qilinghanliqini bildürdi.

b d t musapirlar aliy komissariyatining bayanatchisi babor baloch süriye ichide yurt-makarnliridin ayrilishqa mejbur bolghan 6.2 milyon we qoshna döletlerde panahlanghan 5.6 milyon süriyelikning iqtisadiy menbening yétersizlikining tesirige uchrighanliqini éytti.

bayanatchi baloch b d t musapirlar aliy komissariyatining rayondiki 1.3 milyon süriyelik we dölet ichide yurt-makanliridin ayrilishqa mejbur bolghan yaki yurt-makanlirigha qaytqan 1.35 milyon süriyelikning qishliq éhtiyajini hel qilish üchün, b d t diki bashqa munasiwetlik organlar bilen hemkarlishiwatqanliqlirini eskertip, mundaq dédi:

«téximu köp iqtisadiy yardem qilinmastin, biwaste yardemler noyabir éyida toxtitilidu. bu ehwal köpinchisi kembeghellik chékide yashawatqan iyordaniye bilen liwandiki musapir aililerge éghir tesir körsitidu.»

u b d t musapirlar aliy komissariyatining yéngi doklatigha asaslanghanda, 2018-yilighiche dunya miqyasida 68.5 milyon kishining yurt-makanliridin mejburiy ayrilghanliqini bildürdi.



مۇناسىۋەتلىك خەۋەرلەر