сүрийәликләргә қилинидиған йардәмниң %35 и һәл қилинған

2011-йилдин тартип ички уруш һөкүм сүрүватқан сүрийә ичидә йаки мусапир һалитидики милйонларчә сүрийәликләргә инсанпәрвәрлик йардими йәткүзүш үчүн еһтийаҗлиқ болған тәхминән 2 милйард доллар иқтисадий йардәмниң %35 и һәл қилинди.

сүрийәликләргә қилинидиған йардәмниң %35 и һәл қилинған

түркийә авази радийоси хәвири: б д т мусапирлар алий комиссарийати 2011-йилдин тартип ички уруш тохтимайватқан сүрийәдә вә қошна дөләтләрдә панаһланған милйонларчә сүрийәликләргә инсанпәрвәрлик йардәм йәткүзүш үчүн еһтийаҗлиқ болған тәхминән 2 милйард долларниң %35 ниң һәл қилинғанлиқини билдүрди.

б д т мусапирлар алий комиссарийатиниң байанатчиси бабор балоч сүрийә ичидә йурт-макарнлиридин айрилишқа мәҗбур болған 6.2 милйон вә қошна дөләтләрдә панаһланған 5.6 милйон сүрийәликниң иқтисадий мәнбәниң йетәрсизликиниң тәсиригә учриғанлиқини ейтти.

байанатчи балоч б д т мусапирлар алий комиссарийатиниң райондики 1.3 милйон сүрийәлик вә дөләт ичидә йурт-маканлиридин айрилишқа мәҗбур болған йаки йурт-маканлириға қайтқан 1.35 милйон сүрийәликниң қишлиқ еһтийаҗини һәл қилиш үчүн, б д т дики башқа мунасивәтлик органлар билән һәмкарлишиватқанлиқлирини әскәртип, мундақ деди:

«техиму көп иқтисадий йардәм қилинмастин, бивастә йардәмләр нойабир ейида тохтитилиду. бу әһвал көпинчиси кәмбәғәллик чекидә йашаватқан ийорданийә билән ливандики мусапир аилиләргә еғир тәсир көрситиду.»

у б д т мусапирлар алий комиссарийатиниң йеңи доклатиға асасланғанда, 2018-йилиғичә дунйа миқйасида 68.5 милйон кишиниң йурт-маканлиридин мәҗбурий айрилғанлиқини билдүрди.



مۇناسىۋەتلىك خەۋەرلەر