мадағасқардики бир тәнтәрбийә залиниң кириш еғизида еғир қистаңчилиқ йүз бәрди

мадағасқардики бир тәнтәрбийә залиниң кириш еғизида қистаңчилиқ йүз берип, бир адәм қаза қилди, 40 адәм йариланди.

мадағасқардики бир тәнтәрбийә залиниң кириш еғизида еғир қистаңчилиқ йүз бәрди

түркийә авази радийоси хәвири: б б с ниң хәвәр қилишичә, африқа лоңқисини талишиш мусабиқисиниң шаллаш мусабиқисидә мадағасқар – сенегал командилири мәйданға чүшкән пайтәхт антананариводики тәнтәрбийә залиниң кириш еғизида қистаңчилиқ йүз бәргән.

миңларчә путболсөйәр тәнтәрбийә залиниң бирла ишикидин киришкә урунған әснада йүз бәргән қистаңчилиқта кәм дегәндә бир адәм өлгән, иккисиниң әһвали еғир болуп җәмий 40 адәм йариланған.

көп адәмни контрол қилиш җәһәттики йетәрсизликләр түпәйли африқидики тәнтәрбийә заллирида қистаңчилиқлар давамлиқ көрүлүп туриду؛ өткән йили анголада 17, малавида йәттиси кичик бала болуп җәмий 8 киши тәнтәрбийә заллирида көрүлгән қистаңчилиқларда җенидин айрилғаниди.



مۇناسىۋەتلىك خەۋەرلەر