4-nöwetlik eneniwi tenterbiye musabiqiliri türkiyede ötküzülidu

türkiye jumhur reisi rejep tayyip erdoghan twittérda qirghizistan ziyariti toghrisida bayanat élan qilip, 4-nöwetlik eneniwi tenterbiye musabiqilirining türkiyede ötküzülidighanliqi toghrisida xush xewer berdi.

FOTO_16296634_020920182124230000_R_SPO_20180902000000_aa-picture-20180902-16296634.jpg
FOTO_16296658_020920182124230000_R_SPO_20180902000000_aa-picture-20180902-16296658.jpg
FOTO_16296655_020920182124230000_R_SPO_20180902000000_aa-picture-20180902-16296655.jpg
FOTO_16296651_020920182124230000_R_SPO_20180902000000_aa-picture-20180902-16296651.jpg
FOTO_16296640_020920182124230000_R_SPO_20180902000000_aa-picture-20180902-16296640.jpg

türkiye awazi radiyosi xewiri: jumhur reis rejep tayyip erdoghan twittérda qirghizistan ziyariti toghrisida bayanat élan qildi. u qirghizistan ziyaritide, 3-nöwetlik eneniwi tenterbiye musabiqilirining échilish murasimigha qatnashqanliqini bildürüp: «qirghizistanning sahibxanliqida ötküzülgen we dunya medeniyet mirasigha töhpe qoshqan bu tenterbiye musabiqilirini, inshaallah 2020-yili dölitimizde ötküzimiz» dédi.

anadolu agéntliqi (AA) bilen türkiye radiyo-téléwiziye idarisi t r t (TRT) axbaratta hemkarlashqan we 3-nöwetlik eneniwi tenterbiye musabiqilirining bir tüwrüki bolghan étno shehirining échilish murasimigha, qirghizistan pirézidénti soronbay jeénbékow bilen jumhur reis rejep tayyip erdoghan birlikte ishtirak qildi.

qirghizistanliq senetchiler we oqughuchilar échilish murasimida, «köchmen charwichilarning altun dewri» namliq tiyatir nomurini körsitip, qirghizistanliqlarning tarixini we köchmen charwichiliq turmushtiki enenilirini namayan qildi.

qirghizistan pirézidénti soronbay jeénbékow ikki yilda bir qétim ötküzülidighan dunya eneniwi tenterbiye musabiqilirining échilish murasimini, türk tilida sözlishidighan döletlerning rehberliridin türkiye jumhur reisi rejep tayyip erdoghan, qazaqistan pirézidénti nursultan nezerbayéw, wéngriye bash ministiri wiktor orban we tataristan jumhuriyitining pirézidénti rüstem minixanow bilen birlikte ötküzgenliklirini éytti.

qirghizistan pirézidénti soronbay jeénbékow köchmen charwichiliq medeniyiti pelsepesini tereqqiy qildurush üchün 4-nöwetlik musabiqilerning türkiyede ötküzülüshide, rejep tayyip erdoghanning qollishigha érishkenliklirini bildürdi.

 u sözining dawamida, 4-nöwetlik musabiqini ötküzüsh hoquqining türkiyege ötküzüp bérilgenlikini eskertip, türkiye xelqige we jumhur reis rejep tayyip erdoghangha teshekkür éytti.

qirghizistan pirézidénti soronbay jeénbékow sözini axirlashturghandin kéyin, wéngriye bash ministiri wiktor orban bilen eneniwi medeniyet paaliyetliri ötküzülidighan we qirghizistandiki yette rayonning medeniyet bayliqliri tonushturulghan étno shehiridiki chédirlarni ziyaret qildi.

3-nöwetlik eneniwi tenterbiye musabiqiliri 8-séntebir axirlishidu.



مۇناسىۋەتلىك خەۋەرلەر