фирансийә дунйа лоңқисини қолға кәлтүрди

фирансийәниң 2018-йиллиқ хәлқара путбол федератсийәлири бирләшмиси (FIFA) дунйа лоңқисиниң һәл қилғуч мусабиқисидә киродийәни 2 гә қарши 4 нәтиҗә билән йиңип чемпийонлуқни қолға кәлтүргәнлики, мәмликәт миқйасида җушқунлуқ кәйпийат ичидә тәбрикләнди.

фирансийә дунйа лоңқисини қолға кәлтүрди

түркийә авази радийоси хәвири: русийәниң саһибханлиқида өткүзүлгән 2018-йиллиқ дунйа лоңқисиниң һәл қилғуч мусабиқиси 15-ийул фирансийә командиси билән киродийә командиси оттурисида елип берилди. фирансийә хәлқи қаттиқ бихәтәрлик тәдбирлири астида париж, лион, бордекс, реннес, нантес, монппеллийер, найс, марсилйа қатарлиқ чоң шәһәрләрдики мәйданларға орнитилған чоң телевизор екранлирида мусабиқини көрди.

аридин 20 йил өткәндин кейин дунйа лоңқисини музейиға қойушқа муйәссәр болған фирансуз хәлқи, 90 минутлуқ мусабиқиниң ахирлишиши билән кочиларни лиқ толдуруп, һайаҗан билән тәбриклиди вә "тәшәккүрләр көк майкилиқлар", "биз дунйа чемпийони" дәп шоар товлиди.

фирансийәниң символлиридин ефил мунариниң алдидики чәмп де марс мәйданиға орнитилған телевизор екранлирида 90 минутлуқ мусабиқини көргән путбол һәвәскарлири, дөлитиниң байрақлирини ләпилдитип, хушаллиқ минутларни баштин кәчүрди. улар ғәлибини тәбрикләш үчүн һәр хил паалийәтләрни қилди.

париждики дунйаға даңлиқ чәмпс елси кочисидиму дунйа лоңқиси чемпийонлуқиниң һайаҗанлиқ тәбрикләш паалийәтлири бар иди. бу йәрдиму путбол һәвәскарлири фирансийәниң ғәлибисини байрақларни ләпилдитип вә нахша-уссул ойнап тәбриклиди.

фирансийә дөләтлик путбол командисиниң тиренери дидийер десчәмпс мусабиқидин кейин байанат елан қилип, бу мувәппәқийәтни қолға кәлтүрүшниң асан әмәсликини вә команда намида интайин хушал икәнликини билдүрди. у: "путболчилар үчүн ейтқанда, интайин чоң чемпийонлуқтур" деди.

фирансийәниң бир қанчә тонулған сийасәтчилириму дөләт тарихидики иккинчи қетимлиқ чимпийонлуқни қолға кәлтүрүшниң хушаллиқини хатириләп, иҗтимаий таратқуларда учур һәмбәһирлиди.

фирансийә пирезиденти макрон дөләтлик путбол командисиға тәшәккүр ейтти. баш министир филиппе болса: "фирансийә дунйа чемпийони, немә дегән қалтис мусабиқә һә! дунйа лоңқиси немә дегән гүзәл! немә дегән қалтис команда! силәр дөлитимизниң шәрипи, йашап кетиңлар!" дегән учурини һәмбәһирлиди.

фирансийә ташқи ишлар министири ле җрийан фирансийәниң ғәлибисини тәбрикләш үчүн нурғунлиған дөләтләрниң ташқи ишлар министирлириниң телефон қилғанлиқини  билдүрди.



مۇناسىۋەتلىك خەۋەرلەر