йеңи кабенттики йашлиқ вә тәнтәрбийә министири- мәһмәт муһаррәм касапоғлу

мәһмәт муһаррәм касапоғлу җумһур рәислик кабенти ичидин орун алған тунҗи йашлиқ вә тәнтәрбийә министири болди.

йеңи кабенттики йашлиқ вә тәнтәрбийә министири- мәһмәт муһаррәм касапоғлу

түркийә авази радийоси хәвири: тәнтәрбийә латарийәси идарисиниң башлиқи мәһмәт муһаррәм касапоғлу йеңи кабентта йашлиқ вә тәнтәрбийә министирлиқи вәзиписигә осман ашкин бакниң орниға вәзипигә тәйинләнди.

 мәһмәт муһаррәм касапоғлуниң қисқичә тәрҗимиһали

мәһмәт муһаррәм касапоғлу 1976-йили истанбулда туғулған. мармара универстети иқтисадий вә мәмурий билимләр факултети игилик башқуруш кәспидә оқуған. у шу универстетниң мәһәлливи идариләр вә турушлуқ җайидин башқуруш пирограммиси бойичә магестирлиқ унванини алған. америка флорида иштат универстети игилик башқуруш факултетида башқуруш кәспидә тәтқиқатчи, мутәхәссис вә лайиһә кординатори болуп хизмәт қилған. палм бич атлантик универстетида игилик башқуруш кәспидә магестирлиқ оқуған. истанбул универстетидин йәрлик ишқа орунлаштуруш темисидики тәтқиқат мақалиси билән докторлуқ унванини алған.

у түркийә вә чәт әлләрдә оқуватқан йиллирида иҗтимаий тәшкилатларда актип хизмәт қилған вә муһим мәнсәпләрни тутқан. у хусусий ширкәтләрдә хәлқаралиқ сода биләнму шуғулланған.

2009-йили баш министирлиқ мәһкимисиниң мәслиһәтчиликигә вәзипигә қойулған. буниңдин башқа, әмгәк вә иҗтимаий капаләт министирлиқи, маарип министирлиқи, йашлиқ вә тәнтәрбийә министирлиқида охшимиған вәзипиләрни үстигә алған.

у тәнтәрбийә латарийәси идарисиниң башлиқи болуп вәзипә өтигән йиллирида, тәнтәрбийәни кәң аммиға омумлаштуруш мәқситидә нурғун тәсисләрниң селинишиға күч чиқарған. йашлиқ, маарип вә тәнтәрбийә паалийәтлирини иқтисад билән тәминләш вә тәнтәрбийә саһәсидә ишқа орунлишиш нисбитини йуқири көтүрүш қатарлиқ мәсилиләргә диққитини мәркәзләштүргән.

у өйләнгән болуп, бир пәрзәнти бар, инглизчә вә әрәбчә тиллирини йахши билиду.



مۇناسىۋەتلىك خەۋەرلەر