bélgiye-yaponiye musabiqisi keskin musabiqe boldi
2018-yilliq dunya longqisi 16 komandigha kirish axirqi musabiqiside, bélgiye komandisi yaponiye komandisini 2 ge qarshi 3 netije bilen yengdi.
türkiye awazi radiyosi xewiri: bélgiye-yaponiye musabiqiside, deslepte bélgiye komandisi 2 ge qarshi 0 netije bilen yaponiye komandisigha utturup qoyush aldida turghan idi. biraq, tézla özini ongshap, qarshi terepning waratasigha üch top kirgüzdi. shuning bilen, bélgiye charek hel qilghuch musabiqige qatnishish salahiyitini qolgha keltürdi.
bélgiye-yaponiye musabiqisi birinchi meyda 0-0 netije bilen ayaqlashti. ikkinchi meydanda, yaponiye komandisi musabiqe bashlinip 48 minut ötkende we 52 minut ötkende bélgiye komandisining waratasigha ikki top kirgüzüp, netijini 0 ge qarshi 2 ge chiqardi.
bélgiye komandisi musabiqe bashlinip 69 minut we 74 minut ötkende ikki top kirgüzüp netijini tengleshtürdi. 90 minut axirliship, waqit qoshup bérilgende, bélgiye komandisi yene bir top kirgüzüp, netijini 3 ke chiqardi we charek hel qilghuchqa qatnishish salahiyitini qolgha keltürdi.
bélgiye komandisi biraziliye komandisi bilen 6-iyul (jüme) enqere waqti 21:00, ürümchi waqti 00:00 de musabiqige chüshidu. bélgiye komandisi G guruppida 9 nomurgha érishken we héchqaysi komandigha utturmay 16 komanda ichige kirgen idi.
yaponiye komandisi H guruppida 4 nomur bilen ikkinchi bolghan bolup, sériq kart sanining az bolushi sewebidin sénégal komandisining aldigha ötüp, 16 komandigha kirgen idi.
