taghdin chüshüp ketken koréyelik ayal qutquzuwélindi

awstiraliyede koréyelik bir ayal taghdin domilap chüshüp kétip, aridin alte kün ötkende qutquzush xadimliri teripidin qutquzuwélindi.

taghdin chüshüp ketken koréyelik ayal qutquzuwélindi

türkiye awazi radiyosi xewiri: awstiraliye kwinislend ishtatining tulli rayoni etrapidiki bir taghqa chiqqan 25 yashliq koréyelik johi han taghdiki chongqur hangdin domilap ketken.

b b s (BBC) da élan qilinghan xewerde qeyt qilinishiche, johi han taghdin domilap ketkendin kéyin, bir sharqiratma yénigha ömilep kelgen we bir qanche kün ach halda qutquzushni saqlighan. johi han bir qanche küngiche qonghan yerge kelmigendin kéyin, uning dostliri derhal ehwalni saqchilargha melum qilghan.

saqchi terepning bu heqtiki bayanatida bildürülishiche, taghdin domilap ketkendin kéyin hayatta qalghan johi han, qutquzush xadimliri teripidin turuwatqan jayidin tépilip, derhal tik uchar bilen doxturxanigha apirilghan.

johi hanning warqirghan awazi anglanghandin kéyin tépilghan bolup, u texminen 18 métir égizliktin domilap ketken.

kwinislend qutquzush tik ucharining sehiye xadimi hannah gawlké a b s niyus (NewsABC) qanilining ziyaritini qobul qilghanda, johi hanning sharqiratma bar jaygha bérishtin burun besh saet etrapida hoshini yoqatqanliqini bildürdi.

u johi hanning salametlik ehwalining yaxshi ikenlikini eskertip: "köp ömiliyelmeptu we mangalmighachqa künlerche u yerde qaptu" dédi.


خەتكۈچ: b b s (BBC) , News ABC , domilash , tagh

مۇناسىۋەتلىك خەۋەرلەر