тағдин чүшүп кәткән корейәлик айал қутқузувелинди

австиралийәдә корейәлик бир айал тағдин домилап чүшүп кетип, аридин алтә күн өткәндә қутқузуш хадимлири тәрипидин қутқузувелинди.

тағдин чүшүп кәткән корейәлик айал қутқузувелинди

түркийә авази радийоси хәвири: австиралийә квинисләнд иштатиниң тулли райони әтрапидики бир тағқа чиққан 25 йашлиқ корейәлик җоһи һан тағдики чоңқур һаңдин домилап кәткән.

б б с (BBC) да елан қилинған хәвәрдә қәйт қилинишичә, җоһи һан тағдин домилап кәткәндин кейин, бир шарқиратма йениға өмиләп кәлгән вә бир қанчә күн ач һалда қутқузушни сақлиған. җоһи һан бир қанчә күнгичә қонған йәргә кәлмигәндин кейин, униң достлири дәрһал әһвални сақчиларға мәлум қилған.

сақчи тәрәпниң бу һәқтики байанатида билдүрүлишичә, тағдин домилап кәткәндин кейин һайатта қалған җоһи һан, қутқузуш хадимлири тәрипидин туруватқан җайидин тепилип, дәрһал тик учар билән дохтурханиға апирилған.

җоһи һанниң варқирған авази аңланғандин кейин тепилған болуп, у тәхминән 18 метир егизликтин домилап кәткән.

квинисләнд қутқузуш тик учариниң сәһийә хадими һаннаһ гавлке а б с нийус (NewsABC) қанилиниң зийаритини қобул қилғанда, җоһи һанниң шарқиратма бар җайға бериштин бурун бәш саәт әтрапида һошини йоқатқанлиқини билдүрди.

у җоһи һанниң саламәтлик әһвалиниң йахши икәнликини әскәртип: "көп өмилийәлмәпту вә маңалмиғачқа күнләрчә у йәрдә қапту" деди.



مۇناسىۋەتلىك خەۋەرلەر