түркийә дөләтлик мейиплар путбол командиси йавропа чемпийони болди

түркийә дөләтлик мейиплар путбол командиси әнглийә дөләт командисини йеңип йавропа чемпийони болди.

түркийә дөләтлик мейиплар путбол командиси йавропа чемпийони болди

түркийә авази радийоси хәвири: түркийә дөләтлик мейиплар путбол командиси йавропа чемпийони болди.

түркийәниң саһибханлиқида өткүзүлгән йавропа мейиплар путбол федратсийәси йавропа чемпийонлуқни талишиш һәл қилғуч мусабиқидә түркийә командиси әнглийә командисини 1гә қарши 2 нәтиҗә билән йеңип чемпийонлуққа еришти.

мусабиқиниң ахирлишиши билән тәң хошаллиқини пүтүн вуҗуди билән ипадиләшкән түркийә мейиплар путбол командиси маһирлири һайаҗандин йиғилашти.

түркийә байриқини көтүрүп мәйданни кезип чиққан маһирлар дөләт марши оқуп қизғин алқиш садалири йаңратқан тамашибинлар билән қизғин көрүшти.

маһирлар медал вә лоңқиларни йашлар вә тәнтәрбийә ишлири министири осман ашкин бакниң қолидин тапшуруп алди.

җумһур рәис рәҗәп таййип әрдоған йавропа мейиплар путбол федратсийәси йавропа чемпийонлуқни талишиш мусабиқисидә чемпийон болған түркийә дөләт командисини қизғин тәбриклиди.



مۇناسىۋەتلىك خەۋەرلەر