türkiye komandisi dunya retke tizilishida 27-bolghan

türkiye döletlik putbol komandisi xelqara putbol fédératsiyeliri birleshmisining dunya retke tizishida alte baldaq yuqiri örlep, 27-retke kirdi.

türkiye komandisi dunya retke tizilishida 27-bolghan

türkiye awazi radiyosi xewiri: xelqara putbol fédératsiyeliri birleshmisi (FIFA) séntebir ayliq retke tizilish ehwali heqqide melumat élan qildi. buninggha asaslanghanda, türkiye putbol komandisi awghust éyidiki 33-rettin 27-retke örligen. awghust éyida birinchi retni biraziliye komandisigha tartquzup qoyghan dunya longqisi chimpéyoni gérmaniye komandisi, qaytidin birinchilikni qayturuwalghan.

bu qétimqi retke tizilishta, 2016-yili yawropa longqisi chimpéyoni bolghan portugaliye komandisi 3-retke tizilghan. 2018-yili dunya longqisining jenubiy amérika shallash musabiqiliride urugway komandisi we wénézuéla komandisi bilen tengliship qalghan argéntina komandisi 4-retke tizilghan.

türkiye komandisining 2018-yilliq dunya longqisi yawropa shallash I guruppisidiki reqipliridin kirudiye 18-retke, islandiye 22-retke, ukraina 87-retke, kosowu 184-retke tizilghan.

xelqara putbol fédératsiyeliri birleshmisining kéyinki qétimliq retke tizish netijisi 16-öktebir élan qilinidu. xelqara putbol fédératsiyeliri birleshmisige 200 din artuq döletning komandiliri eza.



مۇناسىۋەتلىك خەۋەرلەر