түркийә командиси дунйа рәткә тизилишида 27-болған

түркийә дөләтлик путбол командиси хәлқара путбол федератсийәлири бирләшмисиниң дунйа рәткә тизишида алтә балдақ йуқири өрләп, 27-рәткә кирди.

түркийә командиси дунйа рәткә тизилишида 27-болған

түркийә авази радийоси хәвири: хәлқара путбол федератсийәлири бирләшмиси (FIFA) сентәбир айлиқ рәткә тизилиш әһвали һәққидә мәлумат елан қилди. буниңға асасланғанда, түркийә путбол командиси авғуст ейидики 33-рәттин 27-рәткә өрлигән. авғуст ейида биринчи рәтни биразилийә командисиға тартқузуп қойған дунйа лоңқиси чимпейони германийә командиси, қайтидин биринчиликни қайтурувалған.

бу қетимқи рәткә тизилишта, 2016-йили йавропа лоңқиси чимпейони болған португалийә командиси 3-рәткә тизилған. 2018-йили дунйа лоңқисиниң җәнубий америка шаллаш мусабиқилиридә уругвай командиси вә венезуела командиси билән тәңлишип қалған аргентина командиси 4-рәткә тизилған.

түркийә командисиниң 2018-йиллиқ дунйа лоңқиси йавропа шаллаш I гурупписидики рәқиплиридин кирудийә 18-рәткә, исландийә 22-рәткә, украина 87-рәткә, косову 184-рәткә тизилған.

хәлқара путбол федератсийәлири бирләшмисиниң кейинки қетимлиқ рәткә тизиш нәтиҗиси 16-өктәбир елан қилиниду. хәлқара путбол федератсийәлири бирләшмисигә 200 дин артуқ дөләтниң командилири әза.



مۇناسىۋەتلىك خەۋەرلەر