ispaniye dunya longqisi bilen widalashti
ispaniye komandisi riodi zhanérodiki dangliq marakana tenterbiye meydanida ötküzülgen musabiqide chili komandisigha 0 netije bilen yéngilip qaldi.
türkiye awazi radiyosi xewiri: ikki qétim arqa – arqidin yawropa longqisi we dunya longqisi putbol musabiqiside chimpéyon bolghan ispaniye, gollandiyege utturup qoyghandin kéyin, 18 – chésla riodi zhanéro shehiridiki dangliq marakana tenterbiye meydanida ötküzülgen 2 – guruppa musabiqiside chili komandisigha 2 ge qarshi 0 netije bilen yéngilip, dunya longqisini talishish musabiqisi bilen widalashti.
musabiqe bashlinip 20 minut ötkende chili komandisiki édward wargas, 43 minut ötkende charlés aranguyz birdin top kirgüzdi.
tarixida 10 qétim ispaniye komandisi bilen musabiqige chüshüp 8 qétim yéngilgen, ikki qétim tengleshken chili komandisi, tunji qétim ghelibe xushalliqigha chömdi. jenubiy amérikidin 32 küchlük komandigha kirgen chili, 1950 – yili ötküzülgen dunya longqisi musabiqiside ispaniye komandisi bilen mezkur meydanda musabiqige chüshken bolup, eyni waqitta 2 ge qarshi 0 netije bilen yéngilip qalghan idi.
