ун һалвиси

к таамлиридин түркләргә хас «ун һалвиси» һәққидә .

ун һалвиси

ун һалвиси

түркийә авази радийоси: һалва түрк дастиханлирида зади кәм болса болмайдиған татлиқ таамлардин биридур. теги оттура шәрқдин оттура асийағичә болған пайансиз терротерийәгә созулидиған һалва, түркләрниң мәдәнийитидә адәттики бир һалва болуштинму бәкрәк әһмийәткә игә. мәсилән, түркләрдә аилидә бирәрси вапат болса, һалва етидиған, сағлам туғуттин кейин һалва икрам қилиниш билән балини тәбрикләйдиған, алаһидә күнләрдә мәхсус һалва етип йейилидиған адәтләр бар.

һалва етиш үчүн керәклик болған материйаллар төвәндикичә:

  • 3 қошуқ сериқ май
  • 2  қошуқ адәттики йағ
  • 1 истакан ун
  • 1 йаки 1 йерим истакан шекәр
  • 2 истакан су (суниң орниға 1 истакан сүт ишлитишкиму болиду)
  • 2 қошуқ қариғай уруқи

һалва етиш усули мундақ:

  • алди билән сериқ май, йағ, ун вә қариғай уруқини қазанға селип, аз отта қорушқа башлаң, андин рәңги қойуқлашқанға қәдәр арилаштуруп қоруң. бу җәрйанда бираз сәвр - тақәт қилишиңизға тоғра келиду.
  • бирла вақитта йәнә бир қазанда су билән шекәрни қайнитип, қийам қилиң.
  • унлуқ арилашминиң рәңги қойуқлашқанға қәдәр шәрбәтни аста – аста, һәр қетимда бир қошуқтин унниң үстигә илавә қилиң вә тезлик билән арилаштуруң. унниң калләклишип қалмаслиқиға диққәт қилиң. қийамниң һәммисини мушу усул бойичә унлуқ арилашмиға йегүзүң.
  • отни өчүрүп, 10 минут күтүң.
  • әмди һалвини йесиңиз йаки меһманларға икрам қилсиңиз болиду.  


مۇناسىۋەتلىك خەۋەرلەر