hititlarning paytexti hattushani kördingizmu?

türkiyede sayahetchilik 2019/06

hititlarning paytexti hattushani kördingizmu?
hititlarning paytexti hattushani kördingizmu?
hititlarning paytexti hattushani kördingizmu?

türkiyede sayahetchilik 2019/06

 

hititlarning paytexti hattushani kördingizmu?

 

hititlarning paytexti hattusha

hörmetlik radiyo anglighuchi qérindashlar! qedriye shenel teripidin teyyarlanghan «türkiyede sayahetchilik» namliq pirogrammimizning bügünki sanida, silerge hititlarning paytexti hattushani tonushturimiz.

*****

hitit impériyesi miladidin ilgiriki dewrlerde anadoluda hakimiyet sürgen medeniyetlerning birsi bolup, bu impriye qanchilighan esirler ilgiri yoqulup ketken idi. ularning paytexti hattusha hazirmu mewjutluqini dawamlashturüp kelmekte. bu antik sheher ziyaretchilerge öz dewride neqeder körkem we muhim sheher bolghanliqini hazirmu namayan qilmaqta. 

hitit impériyesining qurulushi miladidin ilgiriki 1600yillargha tutishidu. shu dewrlerge ait tash oyma yazmilardin melum bolishiche, hititlar döletni özigche bir démokratiye usuli bilen bashqurghan tunji dölet idi. döletni padishah we padishah jameti ezaliri bashquratti. «pankush» dep isim bérilgen kéngesh (parlamént)ta muhim qararlar awazgha qoyulatti .hetta parlaméntqa padishahning ijraatlirini tekshürüsh huqiqimu bérilgen idi.

hititlar yene tarixta tunji qétim yazma kélishim tüzgen xelq hésablinidu. ular msir bilen kadesh kélishmini tüzgen idi. démek eyni chaghdiki bu ilghar medeniyetning paytexti hattusha hazir antik sheher bolush süpiti bilen hititlarning bügünge qeder mewjutluqini saqlap kéliwatqan yadikarliqi hésablinidu. 

hattusha türkiyening ottura qara déngiz rayonida chorum wilayiti ichide urun alghan bolup, u yerning bügünki ismi boghaz köy dep atilidu. hattusha hazir bir üsti uchuq arxiologiye muziyi hésablinidu. töwenki sheher we yuqiri sheher dep ikki bölümdin terkip tapidu.

töwenki sheher déyilgen rayonda eyni dewrdiki xelq olturaq jayliri we hattushaning eng chong diniy qurulushi hésablinidighan katta ibadetxanisi bar.

yuqiri sheherde bolsa, nurghun sanda ibadetxana jaylashqan bolup, bu rayon töt derwaziliq bir sipil bilen orulup turidu. shir heykellik derwazilirining ikki teripige orunlashturulghan tash shir heykeller eyni chaghda hititlarning tash oyma senitige ne qeder mahir ikenlikini namayan qilip béridu.

hattushadin 2 kélométir sherqiy shimali teripige jaylashqan yazili kaya ibadetxanisi sheherning eng körkem üsti üchuq ibadetxanisi hésablinidu.  ikki qiya we hojrilardin teshkil tapqan ibadetxanilarning tamliri hitit tengriliri we ayal tengirilirining oyma resimliri bilen bézelgen.

hattushani ziyaret qilish üchün chorumgha kelginingizde, chorum re boghaz köy muziylirida tarixiy bir seylige chiqmay, iskilip nahiyesining tarixi kochilirini, hittit yollirini aylanmay, qaraghay purap turidighan yaylaqlirini kezmey, eneniwiy yerlik tamaqlirini tétimay, we kargi rextige oxshash toquma mehsutlirini sétiwalmay turup hergiz qaytmasliqingizni tewsiye qilimiz. 

eyni chaghda misirning küchtonggür pirewnlirining eng küchlük reqibi hésablinidighan, shundaqla shu dewrning eng chong siyasiy we herbiy küchi hésablinidighan hititlarning paytexti hattusha sizning ziyaritingizni kütmekte.  

hörmetlik radiyo anglighuchi qérindashlar! yuqirida qedriye shenel teripidin teyyarlanghan «türkiye sayahetchilik» namliq pirogrammimizda hititlarning paytexti hattushani tonushturüp ottuq tingshighiningqlar üchün rexmet.

 

 



مۇناسىۋەتلىك خەۋەرلەر