sümela monastirni körüshni xalamsiz?

türkiyede sayahetchilik 2019/05

sümela monastirni körüshni xalamsiz?
sümela manastiri körüshni xalamsiz?
sümela manastiri körüshni xalamsiz?

türkiyede sayahetchilik 2019/05

 

sümela manastirini körüshni xalamsiz?

 

 

 qedriye shenel teripidin teyyarlanghan «türkiyede sayahetchilik» namliq pirogrammimizning bügünki sanida, sümela monastirini tonushturimiz.

*****

türkiyening sherqiy qara déngiz rayonida, qarataghning étekliridiki tik qiyaliqlarda ajayip körkem birmonastir bar, u bolsimu sümela monastiridur.

1700 yilliq ötmüshke ige bu manastir dunyaning eng qedimiy we eng muhim tarixiy ehmiyiti yuqiri monastirliridin birsi hésablinidu.

riwayetlerge köre, sümela monastiri miladi 3esirde, yeni wizantiye dewride afinadin kelgen ikki pop teripidin yasalghan bolup, yillarning ötüshige egiship, uning shöhriti yükselgen we qolgha keltürülgen her xil kirimler bilen téximu kéngeytilgen, bolupmu 13esirde pewquladde kéngeytilip, yéngi bölümler qoshulghan.

sherqiy qara déngiz sahilliri türklerning hakimiyitige ötkendin kéyin, osmanli padishahliri bashqa nurghun monastirlargha oxshash sümela monastirining heq hoquqinimu qoghdighan we bezi imtiyazlarni bergen.

18esirde manastirning nurghunlighan jayliri yingilanghan, bezi tamliri tam resimliri bilen bézelgen. 19esirde chong binalarning qoshumche qilinishi arqiliq monastir ajayip körkem tüs élip eng parlaq dewrige qedem qoyghan. 1916yili bashlanghan we ikki yil dawamlashqan rusiye ishghaliyiti mezgilide, manastir monastire qilinghan we 1923yilidin kéyin pütünley bikarlanghan idi.

**** **** **** ****

sümela monastiri yüzligen yillardin buyan muhim diniy merkez bolup kelgen. öz nöwitide yene, pop rahiplarni yétishturüsh arqiliq mewjutluqini saqlap kelgen. sümela monastirining asasliq bölümliri, ana kaya chérkawi, bir qanche kichik ibadetxana, ashxana, oqughuchilar yatiqi, méhmanxana, kutupxana we muqeddes bulaq qataliqlardur. chérkaw we uninggha tutash sélinghan kichik ibadetxanining tamliri tam resimliri bilen zinnetlengen bolup, tam resimlirining asasliq témisi, injildiki hékayilerdin élinghan sehniler, isa peyghember we meryem anining hayatigha munasiwetlik resimlerdin terkip tapqan.

****** *****

xelq arisida meryem ana monastiri depmu bilinidighan sümela manastiri trabzonning machka nahiyesi ichide, wadidin texminen 300 métir igizlikke jaylashqan.

monastirda 2010yili fener rum patrikxanisi teripidin diniy murasim ötküzülgen idi.

xiristiyanlar teripidinmu muqeddes dep bilinidighan sümela monastiri her yili minglighan kishi teripidin ziyaret qilinidu. yüzligen yillarning izlirini saqlap kelgen bu manastirni körüsh üchün rayongha barghiningizda, yene shu wilayetning tebiiy güzelliki bilen meshhur bolghan ataqliq uzun kölini, trabzon ayasofya muzéyini we atatürk sariyinimu ziyaret qilishingizni tewsiye qilimiz. 

yerlik tamaqliridin aqchabat qiymiliq tawa kawapi, sériq yagh bilen pishurulghan béliq, qonaq uni we yéza érimchikliri bilen teyyarlanghan quymaqlirini tétip béqishni untup qalmang!



مۇناسىۋەتلىك خەۋەرلەر