tarixtiki bügün: 17.01.2019

feray uz teripidin teyyarlanghan «tarixtiki bügün» namliq pirogrammimizni huzurunglargha sunimiz.

tarixtiki bügün: 17.01.2019

 

bügün 2019yili 17  - yanwar.

yawropaning tunji zamaniwiy romani donkixot ispaniyelik shair, yazghuchi miguél de kérwantés teripidin yézilghan bolup, 1605yili 17 - yanwarda neshir qilinghan idi. yazghuchi türmide yézip pütküzgen we öz hayatini mesxire qilghan bu eser, 38 tilgha terjime qilindi. hazirmu dunya boyiche eng köp oqulghan eserler arisida sanilidu. 

***** *****

galatasaray we fenerbahche komandisi peqetla türkiyede emes, yawropadimu inttayin yaxshi tonulghan putbol kulubi bolup, bu ikki reqib otturisidiki riqabetler qiteler ara riqabet depmu qobul qilinidu. türkiyening bu eng qedimiy we eng meshhur ikki putbol komandisi 1909yili 17yanwarda tunji qétim musabiqige chüshken idi. musabiqide galatasaray komandisi 0 ge qarshi 2 netije bilen ghelibe qilghan idi.

***** *****

1995yili 17 - yanwarda yaponiyening osaka kobe rayonida 7.2 bal yer tewrep, 6 mingdin artuq kishi hayatidin ayrilghan idi.

2012yili 17 - yanwarda türk dunyasi intayin katta bir dölet erbabini yerlikige qoydi. shimaliy qibris türk jumhuriyitining qurghuchi jumhur reisi rauf denktash 13yanwarda wapat boldi.

rauq denktash yapyash yazghuchi chéghidila qibris türklirining musteqilliq küreshlirige yazghan maqaliliri bilen atlanghan idi. andin emeliy heriketke ötüp, türk muqawimet teshkilatining reislik wezipisini öz üstige aldi. qibris türklirining qarshiliq heriketlirini retke saldi. qibrista rimlar bilen birlikte yashawatqan türkler «rim tehishchiler» teripidin qetliam qilinghanda, 1974yili türkiye qibrisqa tinchliq herikiti bashlidi. rauf dentkash bu herikettin kéyin aralning shimaliy teripide yashawatqan qibris türklirining heq hoquqini xelqara munberlerde qoghdashqa atlandi. andin 1983yili qurulghan shimaliy qibris türk jumhuriyitining tunji jumhur reisi boldi. uning wapati pütün türk dunyasini matemge chömdürdi. rauf denktashning méyiti 17yanwarda qibristiki selimiye jamiside oqulghan jinaze namizidin kéyin jumhuriyet baghchsidiki xatire meqbrisige depin qilindi.  

.

hörmetlik radiyo anglighuchilar! yuqirida tarixtiki bügün namliq pirogrammimizni anglidinglar.


خەتكۈچ: tarixtiki bügün

مۇناسىۋەتلىك خەۋەرلەر