тарихтики бүгүн: 17.01.2019

фәрай уз тәрипидин тәййарланған «тарихтики бүгүн» намлиқ пирограммимизни һузуруңларға сунимиз.

тарихтики бүгүн: 17.01.2019

 

бүгүн 2019йили 17  - йанвар.

йавропаниң тунҗи заманивий романи донкихот испанийәлик шаир, йазғучи мигуел дә кервантес тәрипидин йезилған болуп, 1605йили 17 - йанварда нәшир қилинған иди. йазғучи түрмидә йезип пүткүзгән вә өз һайатини мәсхирә қилған бу әсәр, 38 тилға тәрҗимә қилинди. һазирму дунйа бойичә әң көп оқулған әсәрләр арисида санилиду. 

***** *****

галатасарай вә фәнәрбаһчә командиси пәқәтла түркийәдә әмәс, йавропадиму инттайин йахши тонулған путбол кулуби болуп, бу икки рәқиб оттурисидики риқабәтләр қитәләр ара риқабәт дәпму қобул қилиниду. түркийәниң бу әң қәдимий вә әң мәшһур икки путбол командиси 1909йили 17йанварда тунҗи қетим мусабиқигә чүшкән иди. мусабиқидә галатасарай командиси 0 гә қарши 2 нәтиҗә билән ғәлибә қилған иди.

***** *****

1995йили 17 - йанварда йапонийәниң осака кобә районида 7.2 бал йәр тәврәп, 6 миңдин артуқ киши һайатидин айрилған иди.

2012йили 17 - йанварда түрк дунйаси интайин катта бир дөләт әрбабини йәрликигә қойди. шималий қибрис түрк җумһурийитиниң қурғучи җумһур рәиси рауф дәнкташ 13йанварда вапат болди.

рауқ дәнкташ йапйаш йазғучи чеғидила қибрис түрклириниң мустәқиллиқ күрәшлиригә йазған мақалилири билән атланған иди. андин әмәлий һәрикәткә өтүп, түрк муқавимәт тәшкилатиниң рәислик вәзиписини өз үстигә алди. қибрис түрклириниң қаршилиқ һәрикәтлирини рәткә салди. қибриста римлар билән бирликтә йашаватқан түркләр «рим тәһишчиләр» тәрипидин қәтлиам қилинғанда, 1974йили түркийә қибрисқа тинчлиқ һәрикити башлиди. рауф дәнткаш бу һәрикәттин кейин аралниң шималий тәрипидә йашаватқан қибрис түрклириниң һәқ һоқуқини хәлқара мунбәрләрдә қоғдашқа атланди. андин 1983йили қурулған шималий қибрис түрк җумһурийитиниң тунҗи җумһур рәиси болди. униң вапати пүтүн түрк дунйасини матәмгә чөмдүрди. рауф дәнкташниң мейити 17йанварда қибристики сәлимийә җамисидә оқулған җиназә намизидин кейин җумһурийәт бағчсидики хатирә мәқбрисигә дәпин қилинди.  

.

һөрмәтлик радийо аңлиғучилар! йуқирида тарихтики бүгүн намлиқ пирограммимизни аңлидиңлар.



مۇناسىۋەتلىك خەۋەرلەر