türkiye hemkarliq we kordinatsiye agéntliqi-tika némilerni qiliwatidu?

türkiye hemkarliq we kordinatsiye agéntliqi-tikaning wujudqa chiqarghan layiheliri

türkiye hemkarliq we kordinatsiye agéntliqi-tika némilerni qiliwatidu?

tika némilerni qiliwatidu?

dunya miqiyasidiki nurghun dölet we rayonda her xil ijtimaiy we medeniyet layihelirini wujudqa chiqirip kéliwatqan yunus emre instittuti, türkiye tashqi türkler we qérindash xelqler bashqarmisi, qizilay saxawet orgini we türkiye hemkarliq we kordinatsiye agéntliqi bashqarmisi-tika qatarliq orunlarni etrapliq tonushturushni meqset qilidighan «türkiyening köngül köwrükliri»namliq bu pirogrammimizning ötken heptiki bölümide, türkiye hemkarliq we kordinatsiye agéntliqi bashqarmisi-tika toghruluq qisqiche melumat bergeniduq, bügünki pirogrammimizda bolsa tikaning bir qisim paaliyetliri üstide toxtilimiz.

undaqta tika némilerni qiliwatidu?

weqpe medeniyitining bir halqisi hésablinidighan türkiye hemkarliq we kordinatsiye agéntliqi bashqarmisi- tika dunyaning her qaysi jayliridiki yardemge éhtiyajliq kishilerge yardem qilish arqiliq türkiyening insaniy we wijadaniy éngini konkrét halda ipadilep kelmekte. mundaqche qilip éytqanda,tika ottura asiyadin balqan rayonighiche, afriqadin latin amérika we jenubiy asiyaghiche bolghan keng ketken rayonlarda iqtisadiy, ijtimaiy we medeniyet bolup nurghun sahede layiheler royapqa chiqirish arqiliq, türkiyening maddiy we meniwi bayliqliri, shundaqla mol tejribilirini dostlirimiz hembehrilishidu.

tika hazirghiche chet döletlerde doxturxanilar, mektepler we yollar berpa qilish arqiliq yüzminglarche muhtaj kishining éhtiyajini qandurup kelmekte, tika hazirghiche chet döletlerde 25minggha yéqin layihe royapqa chiqirip türkiyening bu döletler bilen bolghan dostluq munasiwitini kücheytishige töhpe qoshti we qoshushni dawamlashturmaqta.

tika royapqa chiqarghan layihelerning türliri maarip, sehiye, qonalghu, ana-bala saqliqi, charwichiliq we déhqanchiliq, qatnash, ishlepchiqirish, xizmet, turubba yolliri we su qurulushi qatarliq nurghun saheni öz ichige alidu. tika bu layiheler arqiliq dost döletlerning türlük bayliqlirini aktip halgha keltüridighan qurulmiliq we insaniy küchi qabilyitini jari qildurushigha yardem qilish we adil shirikilikke tayanghan hemkarliq munasiwitini téximu kücheytishni meqset qilidu.

2015-yildin 2017-yilghiche bolghan mezgillerde balqan rayonidin otturigha asiyaghiche, ottura sherqtin afriqighiche bolghan nurghun rayonda 250 ge yéqin medeniyet we tarixiy yadikarliqlar türkiye hemkarliq we kordinatsiye agéntliqi-tika teripidin rémont qilinip ziyaretchilerge échiwétildi.

somali, pelestin, sudan, pakistan, qirghizistan, moldowa we nurghun dölette tika teripidin sélinghan doxturxanilarda yüz minglarche bimar dawalanmaqta.


خەتكۈچ: qirghizistan , pakistan , afriqa , tika

مۇناسىۋەتلىك خەۋەرلەر