xitayning bir dölette ikki xil tüzüm bolush siyasiti we teywenning inkasi

doktor erkin ekremning témigha munasiwetlik analizi

xitayning bir dölette ikki xil tüzüm bolush siyasiti we teywenning inkasi

xitayning bir dölette ikki xil tüzüm bolush siyasiti we teywenning inkasi

xitay hökümitining teywenge tinch yol bilen birlishish teklipini bérishining 40-yilliqi munasiwiti bilen ötküzülgen yighinda söz qilghan xitay dölet reisi shi jinping, xongkongda yolgha qoyuliwatqan bir dölette ikki xil tüzüm bolush sistémisinimu teywende yolgha qoyushni otturigha qoydi, shundaqla bölgünchilik paaliyetlirige qetiy ruxset qilmaydighanliqini eskertip: bölgünchilik paaliyiti dawamlashsa küch ishletmeydighanliqimizgha wede bérelmeymiz, nishangha yétish üchün barliq tedbirlerni qollinimiz, teywen bilen birlishish pilanimizgha héchqandaq küch tosalghu bolalmaydu, dédi. shi jinping yene bu ishning xitayning ichki ishi ikenlikini, tashqi küchlerning buninggha arilishishigha yol qoyulmaydighanliqini bildürdi.

 shi jinping teywen bilen resmiy birleshkendin kéyin xitayning hökümranliqi astida teywenning turmush shekli, ijtimaiy tüzüm, shexsiy mülükler, dini étiqadlar, qanuniy hoquqlargha  hörmet qilinidighanliqini bildürüp, teywen bilen xitay kommunistik partiyesi rehberligidiki xitay xelq jumhuriyitining bir aile ikenlikini éytti.

shi jinipngning bir dölette ikki xil tüzüm arqiliq  birlishish chaqiriqigha qattiq naraziliq bildürgen teywen pirézidénti sey yingwin, teywenning bir dölette ikki xil tüzüm bolush tüzümini qetiy qobul qilmaydighanliqini, teywen xelqining köp qismining béyjingning bu tüzümige qarshi ikenlikini éytti.  u yene 1992-yili« bir xitay » mesiliside hasil qilinghan kélishimni qobul qilmaydighanliqini, bu kélishimning xitayning bir dölette ikki xil tüzüm bolush pirinsipi idiyesining mehsulati ikenlikini bildürdi.

teywenning siyasiy salahyiti xongkongdin perqliq turup shi jinping néme üchün teywenni bir dölette ikki xil tüzüm bolush wastisi arqiliq  birlishishge chaqiriq qilidu? xitay hökümitining amérika-xitay otturisidiki soda urushini toxtitish üchün ötküzülidighan soda muzakiriliridin ilgiri teywenni birlishishke chaqirishi némidin dérek béridu? bir dölette ikki xil tüzüm bolush tüzümi teywenning emeliy sharaitige mas kélemdu?



مۇناسىۋەتلىك خەۋەرلەر