хитайниң бир дөләттә икки хил түзүм болуш сийасити вә тәйвәнниң инкаси

доктор әркин әкрәмниң темиға мунасивәтлик анализи

хитайниң бир дөләттә икки хил түзүм болуш сийасити вә тәйвәнниң инкаси

хитайниң бир дөләттә икки хил түзүм болуш сийасити вә тәйвәнниң инкаси

хитай һөкүмитиниң тәйвәнгә тинч йол билән бирлишиш тәклипини беришиниң 40-йиллиқи мунасивити билән өткүзүлгән йиғинда сөз қилған хитай дөләт рәиси ши җинпиң, хоңкоңда йолға қойуливатқан бир дөләттә икки хил түзүм болуш системисиниму тәйвәндә йолға қойушни оттуриға қойди, шундақла бөлгүнчилик паалийәтлиригә қәтий рухсәт қилмайдиғанлиқини әскәртип: бөлгүнчилик паалийити давамлашса күч ишләтмәйдиғанлиқимизға вәдә берәлмәймиз, нишанға йетиш үчүн барлиқ тәдбирләрни қоллинимиз, тәйвән билән бирлишиш пиланимизға һечқандақ күч тосалғу болалмайду, деди. ши җинпиң йәнә бу ишниң хитайниң ички иши икәнликини, ташқи күчләрниң буниңға арилишишиға йол қойулмайдиғанлиқини билдүрди.

 ши җинпиң тәйвән билән рәсмий бирләшкәндин кейин хитайниң һөкүмранлиқи астида тәйвәнниң турмуш шәкли, иҗтимаий түзүм, шәхсий мүлүкләр, дини етиқадлар, қануний һоқуқларға  һөрмәт қилинидиғанлиқини билдүрүп, тәйвән билән хитай коммунистик партийәси рәһбәрлигидики хитай хәлқ җумһурийитиниң бир аилә икәнликини ейтти.

ши җинипңниң бир дөләттә икки хил түзүм арқилиқ  бирлишиш чақириқиға қаттиқ наразилиқ билдүргән тәйвән пирезиденти сәй йиңвин, тәйвәнниң бир дөләттә икки хил түзүм болуш түзүмини қәтий қобул қилмайдиғанлиқини, тәйвән хәлқиниң көп қисминиң бейҗиңниң бу түзүмигә қарши икәнликини ейтти.  у йәнә 1992-йили« бир хитай » мәсилисидә һасил қилинған келишимни қобул қилмайдиғанлиқини, бу келишимниң хитайниң бир дөләттә икки хил түзүм болуш пиринсипи идийәсиниң мәһсулати икәнликини билдүрди.

тәйвәнниң сийасий салаһйити хоңкоңдин пәрқлиқ туруп ши җинпиң немә үчүн тәйвәнни бир дөләттә икки хил түзүм болуш вастиси арқилиқ  бирлишишгә чақириқ қилиду? хитай һөкүмитиниң америка-хитай оттурисидики сода урушини тохтитиш үчүн өткүзүлидиған сода музакирилиридин илгири тәйвәнни бирлишишкә чақириши немидин дерәк бериду? бир дөләттә икки хил түзүм болуш түзүми тәйвәнниң әмәлий шараитигә мас келәмду?



مۇناسىۋەتلىك خەۋەرلەر