türkiye hemkarliq we kordinatsiye agéntliqi-tika

türkiye hemkarliq we kordinatsiye agéntliqi-tika toghrisida qisqiche melumat

türkiye hemkarliq we kordinatsiye agéntliqi-tika

türkiye hemkarliq we kordinatsiye agéntliqi-tika

mezkur pirogrammimizda yunus emre instituti, chet eldiki türkler we qérindash milletler idarisi, qizilay saxawet orgini (qizilay) we türkiye hemkarliq we kordinatsiye agéntliqi (tika)gha oxshash dunya miqiyasidiki nurghun dölet we rayonda xilmu xil ijtimaiy we medeniyet layihelirini wujudqa chiqirip kéliwatqan organlirimizni tonushturup chiqimiz. bu dairide eng deslep türkiye hemkarliq we kordinatsiye agéntliqi (tika)ning qisqiche tarixi toghrisida bezi melumatlarni siler bilen ortaqlishimiz, pirogrammimizning kéyinki bölümide bu organning paaliyetliri üstide toxtilimiz.

türkiye hemkarliq we kordinatsiye agéntliqi-tika 1991-yili soghuq munasiwetler urushining axirlishishi we sowét sotsiyalist jumhuriyetliri ittipaqining parchilinishi netijiside musteqilliqqe érishken ottura  asiya türk jumhuriyetliri bolup türkiye bilen tarix we medeniyet jehette yéqin munasiwiti bolghan dölet we rayonlar bilen küchlük munasiwet qurup chiqish meqsitide 1992-yili quruldi.

1992-yildin 2002-yilghiche bolghan mezgillerde 12 shöbesi bilen jemiy 2500 layihe royapqa chiqarghan türkiye hemkarliq we kordinatsiye agéntliqi-tika, türkiyening aktip tashqi siyasitige mas halda paaliyet élip barmaqta. künimizde 59 dölette 61 pirogramma kordinatsiye ishxanisi bolghan tika 170 dölette paaliyet élip barmaqta. türkiyening tikaning wastisi arqiliq dost döletlerde ijtimaiy we medeniyet paaliyetliri élip bérishtiki tüp meqsiti tinchliq belbéghi shekillendürüshtin ibaret.

tika jumhur reis rejep tayyip erdoghanning «dunyaning qaysi yéride qiyinchiliq bolsa shu yerge bérip chammimizning yétishche yardem qilimiz»dégen sözlirining türtkiside shekillengen istiratégiye dairiside yildin-yilgha téximu köp rayonda paaliyet élip bérip nurghun insangha yardem qilmaqta. tika her yili maarip we sehiye bolup tughuttin ölümgiche bolghan insanning barliq hayatigha munasiwetlik her sahede süpetlik layiheler royapqa chiqirishni dawamlashturmaqta.



مۇناسىۋەتلىك خەۋەرلەر