tarixtiki bügün: 2019-yili1-yanwar

feray uz teripidin teyyarlanghan «tarixtiki bügün» namliq pirogrammimizning birinchi bölümi huzurunglarda...

tarixtiki bügün: 2019-yili1-yanwar

bügün 2019 – yilining tunji küni. bu yilning pütkül dunyagha we dölitimizge tinchliq, xatirjemlik, molchiliq we beriket élip kélishini tileymiz. shundaqla bizmu türkiye awazi radiyosi bolush süpitimiz bilen bu yil yépyéngi bir pirogramma bilen hozurnglarda turuptimiz. buningdin kéyin her küni tarix boyiche shu künde yüz bergen weqe we hadisilerni qisqa – qisqa halette eslitip ötimiz. qéni undaqta  feray uz teripidin teyyarlanghan «tarixtiki bügün» namliq pirogrammimizning birinchi bölümige nezer tashlap chiqayli.

.....

waqitni katégoriyelerge ayrish, aylargha, yillargha bölüsh biz insanlarning ishi... tebiettiki bashqa janliqlarning bundaq bir ishi yoq, ular pesillerge qarap yashaydu. biz insanlargha bolsa, bundaq pesillerge bölüngen waqit éniqlimisi kupaye qilmaydu. chünki biz, her ishning téximu éniq bolushini, yilgha, aygha, künge, hetta saetke bölünüshini xalaymiz... mushu xil qiziqishlirimiz yüzisidin ejdadlirimizni herxil kalindarlarni ijad qilip ishlitishke bashlighan...

biz nöwette ishlitiwatqan miladiye kalindari miladidin ilgiriki 45 – yilining bügünki künide ishlitilishke bashlighanidi. 1925 – yilighiche hijiriye kalindarini ishlitip kelgen türkiye, shu yili miladiye kalindarini ishlitishke bashlighan, 1936 – yili tunji qétim yéngi yil küni dem élish küni élan qilinghan.

.....

islamiyetni tarqitish jeryanida mekkide duch kelgen bésim tüpeyli 622 – yili medinige hijret qilghan peyghembirimiz muhemmed eleyhissalam, 10 ming kishilik qushuni bilen 630 – yili 1 – yanwarda mekkige kirdi.

.....

1958 – yili 1 – yanwarda  yawropa ittipaqi quruldi.

.....

1971 – yili 1 – yanwarda amérika qoshma ishtatlirida téléwiziye qanallirida tamaka élanliri meni qilindi.

.....

1992 – yili 1 – yanwarda yawropa iqtisadiy gewdisige eza döletler arisida chégra éghizliridiki saqchi we tamozhna tekshürüshlirini pütünley bikar qilishni nishan qilghan shengen kélishimi ijra qilinishqa bashlidi.

.....

2002 – yili 1 – yanwarda gollandiyede shad – xuram ölüsh tüzümi yolgha qoyuldi. gollandiye ölüm girdabidiki bimarlargha hayatlirini axirlashturush hoquqi bergen tunji dölet boldi.

 



مۇناسىۋەتلىك خەۋەرلەر