тарихтики бүгүн: 2019-йили1-йанвар

фәрай уз тәрипидин тәййарланған «тарихтики бүгүн» намлиқ пирограммимизниң биринчи бөлүми һузуруңларда...

тарихтики бүгүн: 2019-йили1-йанвар

бүгүн 2019 – йилиниң тунҗи күни. бу йилниң пүткүл дунйаға вә дөлитимизгә тинчлиқ, хатирҗәмлик, молчилиқ вә бәрикәт елип келишини тиләймиз. шундақла бизму түркийә авази радийоси болуш сүпитимиз билән бу йил йепйеңи бир пирограмма билән һозурңларда туруптимиз. буниңдин кейин һәр күни тарих бойичә шу күндә йүз бәргән вәқә вә һадисиләрни қисқа – қисқа һаләттә әслитип өтимиз. қени ундақта  фәрай уз тәрипидин тәййарланған «тарихтики бүгүн» намлиқ пирограммимизниң биринчи бөлүмигә нәзәр ташлап чиқайли.

.....

вақитни категорийәләргә айриш, айларға, йилларға бөлүш биз инсанларниң иши... тәбиәттики башқа җанлиқларниң бундақ бир иши йоқ, улар пәсилләргә қарап йашайду. биз инсанларға болса, бундақ пәсилләргә бөлүнгән вақит ениқлимиси купайә қилмайду. чүнки биз, һәр ишниң техиму ениқ болушини, йилға, айға, күнгә, һәтта саәткә бөлүнүшини халаймиз... мушу хил қизиқишлиримиз йүзисидин әҗдадлиримизни һәрхил калиндарларни иҗад қилип ишлитишкә башлиған...

биз нөвәттә ишлитиватқан миладийә калиндари миладидин илгирики 45 – йилиниң бүгүнки күнидә ишлитилишкә башлиғаниди. 1925 – йилиғичә һиҗирийә калиндарини ишлитип кәлгән түркийә, шу йили миладийә калиндарини ишлитишкә башлиған, 1936 – йили тунҗи қетим йеңи йил күни дәм елиш күни елан қилинған.

.....

исламийәтни тарқитиш җәрйанида мәккидә дуч кәлгән бесим түпәйли 622 – йили мәдинигә һиҗрәт қилған пәйғәмбиримиз муһәммәд әләйһиссалам, 10 миң кишилик қушуни билән 630 – йили 1 – йанварда мәккигә кирди.

.....

1958 – йили 1 – йанварда  йавропа иттипақи қурулди.

.....

1971 – йили 1 – йанварда америка қошма иштатлирида телевизийә қаналлирида тамака еланлири мәни қилинди.

.....

1992 – йили 1 – йанварда йавропа иқтисадий гәвдисигә әза дөләтләр арисида чегра еғизлиридики сақчи вә таможна тәкшүрүшлирини пүтүнләй бикар қилишни нишан қилған шәнгән келишими иҗра қилинишқа башлиди.

.....

2002 – йили 1 – йанварда голландийәдә шад – хурам өлүш түзүми йолға қойулди. голландийә өлүм гирдабидики бимарларға һайатлирини ахирлаштуруш һоқуқи бәргән тунҗи дөләт болди.

 



مۇناسىۋەتلىك خەۋەرلەر