мөминләрчә илтиҗа (авазлиқ)

түркийәниң барлиқ җамәлиридә бир туташ оқулидиған җумә хутбилири/ 47 - 2018

мөминләрчә илтиҗа (авазлиқ)

мөминләрчә илтиҗа

 

әзиз қериндашлар, улуғ җүмә күнимиз мубарәк болсун!

аллаһ таала қуран кәримдә:

«и пәйғәмбәр! мениң бәндилирим сәндин мән тоғрилиқ сориса, уларға ейтқинки, мән һәқиқәтән уларға йеқинмән, дуа қилғучи маңа дуа қилғанда, мән уларниң дуалирини аңлаймән вә иҗабәт қилимән, шуңа уларму мениң дәвитимни қобул қилиши вә маңа иман ейтиши керәк. бу сөзни уларға аңлатқинки, улар тоғра йол тапсун»[1]

 пәйғәмбәр әләйһиссалам һәдис шәриптә мундақ дәйду:

«аллаһниң қобул қилидиғанлиқиға һәқиқий ишәнгән һалда дуа қилиңлар! билип қойуңларки, аллаһ пәрвасизлиқ вә көңүл болмәслик билән қилинған дуаларни қобул қилмайду»[2]

бу дунйада бизләрни һозурға ериштуридиған, қейинчиқларға тақабил туруш күчимизни ашуридиған, үмитлиримизни вә истиқбалимизға даир ғайилиримизни тирик тутидиған интайин катта бир немәт бар. у болсиму дуадур.

дуа؛ улуғ пәрвәрдигаримиз бизгә бәхш әткән рәһмәт вә бәрикәт дәрвазисидур.

дуа؛ аллаһқа иман вә тәслимийитимизниң ипадисидур. бизләрни бир дәмму ташливәтмәйдиған, йалғуз қоймайдиған бир рәббимизниң барлиқиға болған еңимизниң изһаридур. һәмду - сана вә шүкүр ейтиш билән аллаһниң улуғлиқи алдида аҗизлиқимизниң етирапидур.

дуа؛ мәвҗутқулимизни байқиғанлиқимиздур. биз дуа қилғанда немигә еһтийаҗлиқ икәнликимизни, чәк чегралиримизни, мадди вә мәнивий имканийәтлиримизни тунуп йәткән болимиз. дуада әслидә һәддимиз вә күч - қудритимизни шундақла йаритилиш ғайимиз вә мәсулийәтлиримизни тонуп йәткәнликимизни тилға алимиз. өзимизни тонуған болимиз. худди йуқириқи айәттә көргинимизгә охшаш һәр даим дуалиримиз арқилиқла рәббимизниң дәргаһида қиммәткә сазавәр болимиз. 

әзиз қериндашлар! дуа؛ бәндичиликимизни аллаһқа сунғанлиқимиздур. дуалиримиз арқилиқ аллаһниң пәрмани вә қарариға рази икәнликимизни тилға алимиз. йеғип ейтқанда пүтүн ибадәтлиримизниң аллаһниң разилиқини қолға кәлтүрүш үчүн икәнликини җакарлаймиз. чүнки шуни билимизки, пүтүн ибадәтләргә роһ вә мәнә бәхш етидиғини дуадур. ибадәт йәни, бәндичилик еңи, дуа арқилиқ мүкәммәллишиду. шуңлашқа пәйғәмбәр әлйһиссалам «дуа ибадәтниң җәвһиридур»[3] дегән иди.

дуа һәм бир чақириқ, һәм чақириққа қайтурулған җаваптур. рәббимизму: «дуа қилғучи маңа дуа қилғанда, мән уларниң дуалирини аңлаймән вә җавап қайтуримән» дейиш арқилиқ бизләрни дуаға чақириқ қилмақта. дуалиримизни иҗабәт қилидиғанлиқи билән хуш хәвәр бәрәмәктә. биз пәқәт дәл мушу аң билән рәббимизгә дуа қилсақ, униң разилиқини, йаридимнии, бәрикитини вә мәғпиритини телисәкла болди.

әзиз қериндашлар! дуа؛ қандақтур һорун, мәсулийәтсиз, аңсиз, җасарәтсиз инсанниң бойнини бүкүп йалвуриши әмәс, бәлки дәл әксичә, арадә, ғәйрәт вә халис нийәтниң дәл өзидур.

дуа؛ пәқәтла тил билән ипадилинидиған җүмлиләрдинла ибарәт әмәс, тәпәккүр вә әқилниң дуасидур. сөйгү, меһри шәпқәт вә қәлбниң дуасидур. мәғпирәт теләш болса, тилниң дуасидур. әқил билән қәлб дуаға турмай туруп, тилниң дуасиниң пайдиси болмайду. шуңа пәйғәмбәр әләйһиссалам һәдис шәриптә: «аллаһниң қобул қилидиғанлиқиға һәқиқий ишәнгән һалда дуа қилиңлар! билип қойуңларки, аллаһ пәрвасизлиқ вә көңүл болмәслик билән қилинған дуаларни қобул қилмайду»[4] дегән иди. 

әзиз мөмин қериндашлар! дуа؛ қериндашлиримиз билән учришиштур. қериндашлиқ иңимизни өстүргәнликимиздур. дуа қилғанда бехиллиқ қилмаңлар. пәқәт өзүңларнила ойлимаңлар. ғайиванә қилинған дуаниң қобул болидиғанлиқини әстә тутқан һалда дунйаниң һәммила йеридики мусулман қериндашлиримизға дуа қилишни унтумаңлар. чүнки пәйғәмбиримиз өмригә бериш үчүн рухсәт сориған өмәр рәзийәллаһу әнһуға: «қериндишим дуалириңға бизниму шерик қиливалғин, бизни унтумиғин»[5] дегән иди.

дуа؛ улуғвар қиммәт қарашларни тәләп қилғанлиқимиздур. пәйғәмбәр әләйһиссалам бизләргә тәлим бәргән дуаларда пәқәтла маддий еһтийаҗларни тәләп қилиш йоқ. бәлки әксичә, пәйғәмбәр әлйһиссалам дуалирида әхлақ пәзиләтни вә инсанни йүксәлтидиған есил хисләтләрни тәләп қилатти. пәйғәмбәр әләйһиссаламниң дуалирида җәмийәт үчүн сөйгү муһәббәт, өзара һөрмәт, көйүм шәпқәт, адаләт вә хатирҗәмликни теләш бар иди. пәйғәмбәр әләйһиссалам дуалирида харлиққа қилиштин, башқиларға муһтаҗ болуп қилиштин вә әхлақсизлиқтин панаһлиқ теләйтти. 

әзиз қериндашлар! аллаһ таала бизләрни дуаниң бәрикити вә күчидин мәһрум қилмисун., бизләрни дуалири қобул болидиған бәхтийарлардин қилсун!

қени әмисә келиңлар! бу мбарәк җумә саитидә, пәйғәмбәр әләйһиссалам өгәткән дуалар билән дуа қилайли!

и аллаһим! сәндин һидайәт, тәқвалиқ, иппәт вә қәлб байлиқи тәләп қилимиз.

и аллаһим! бузғунчилиқтин, мунапиқлиқтин вә йаман әхлақтин саңа сиғинимиз.

и аллаһим! пәйда бәрмәйдиған илимдин, титримәйдиған қәлбтин, тоймайдиған нәпистин вә қобул болмайдиған дуадин сақлишиңни илтиҗа қилимиз.

и рәббимиз! бизгә дунйадиму йахшилиқ бәргин, ахирәттинму йахшилиқ бәргин. бизни җәһәннәм азабидин қоғдиғин.

и рәббимиз! ислам үммитини қайтидин әзиз қилғин! миллитимизниң вә вәтинимизниң мәвҗутлуқи һәм саадити үчүн җанлирини пида қилған шеһитлиримизгә рәһим - шәпқитиң билән муамилә қилғин.

шеһитлиримизниң йеқин йоруқлириға вә миллитимизгә сәбр тақәт ата қилғин. бизләрни әшу шеһитлиримиз җенини пида қилған улуғвар қиммәт қарашлиримизни йашнитидиған вә униңға толуқ әмәл қилидиғанлардин қилғин! амин!!! 

 


[1]  - сүрә бәқәрә 186айәт

[2]  - тирмизи

[3]  - тирмизи

[4]  - тирмизи

[5]  - ибни маҗә



مۇناسىۋەتلىك خەۋەرلەر