yaponiye bash weziri abéning xitay ziyariti

doktor erkin ekremning témigha munasiwetlik analizi

yaponiye bash weziri abéning xitay ziyariti

yaponiye bash weziri abéning xitay ziyariti

bu yil 26-öktebir küni xitay dölet reisi shin jinping béjingda yaponiye bash weziri shézo abé bilen körüshti. körüshüshte, shi jinping xitay-yaponiye munasiwitining alliburun normal haletke kélip bolghanliqini bildürgen bolsa, shézo abé ikki dölet otturisida yéngi sehipe échilishini ümid qilidighanliqini bildürdi.

ötmüshke sélishturghanda her ikki dölet munasiwetlirini yaxshilashturushqa aktip muamile qilmaqta. 7 yildin buyan bir yaponiye bash weziri tunji qétim xitayni ziyaret qildi, 1972-yili ikki dölet otturisida resmiy diplomatik munasiwet orntilghandin buyan, ikki dölet munasiwiti dawalghush basquchilarni bashtin kechürdi. mesilen, 2012-yili, 2013-yillirida ikki dölet otturisidiki zémin mesilisi keskinleshti.

amérika-xitay otturisida soda urushi boliwatqan mushundaq bir halqiq mezgilde, dunya boyiche iqtisadi jehettin ikkinchi chong dölet bilen üchinchi chong döletning rehberlirining qizghin körüshüshi kishining heqiqeten diqitini qozghaydu.

xitay bash ministiri li kéchiyang xitay bilen yaponiye otturisida pul-muamile, soda we dölet bixeterlik sahesi bolup jemiy  52 tür boyiche kélishim imzalanghanliqini, bu türlerning omumiy qimmitining 26 milyard dollar etrapida ikenlikini bildürdi.

bildürülüshiche, xitay xelq bankisi bilen yaponiye bankisi milliy pullarning ishlitish dairisini kéngeytish üchünmu toxtam tüzgen.

yaponiye bash wezirining xitay ziyaritining meqsiti néme? shi jinpingning xitay-yaponiye munasiwiti eslige keldi,dégen sözini qandaq chüshinish mumkin?

soda urushi boliwatqan mushundaq mezgilde amérikaning yiraq asiyadiki eng muhim ittipaqdashliridin biri bolghan yaponiye, xitay bilen bolghan munasiwitini néme üchün yaxshilashqa ehmiyet béridu?

dunya boyiche iqtisadi jehette ikki chong dölet otturisidiki soda munasiwetliride milliy pullarni ishlitish toghrisida kélishim tüzülishi amérika dollirining nopuzigha tesir yetküzmemdu?


خەتكۈچ: yaponiye , xitay

مۇناسىۋەتلىك خەۋەرلەر