herbiy rémont zauwtliri

tarkanning jengizning témigha munasiwetlik analizi

herbiy rémont zauwtliri

türkiye herbiy rémont zawutliri

türkiyede herbiy lazimetlik we paraxot zawutliri mudapie sanaitide muhim rol oynaydu. lékin hazirghiche zor netijilerni yaratqan herbiy zawutlarning emeliy ehwalini keng jamaetchilik toluq bilmeydu. bezide bu zawutlarda rémont qilinghan yaki ishlepchiqirilghan mudapie sanaiti mehsulatliri xuddi bashqa yerlerde ishlepchiqirilghandek teshwiq qilinmaqta. herbiy zawutlar dölet igidarchiliqidiki eng ghol karxanilardin biri hésablinidu, türkiye miqiyasida eng qabil ishchilar bilen munewwer karxanchilar adette herbiy zauwtlardin yétiship chiqidu. mudapie sanaitini tereqqiy qildurush we yerlikleshtürüshte herbiy zauwtlar we bu yerlerde ishleydighan mudapie sanaitining namsiz qehrimanliri muhim rol oynap kelmekte. türkiyening térrorluqqa zerbe bérish xizmetliri shundaqla memliket ichi we sirtidiki herbiy heriketlerde herbiy zawutlar oféstirlar, mayorlar, eskerler we ishchi-xizmetchiliri bilen birlikte zor netijilerni yaratti.

15-iyul herbiy-siyasiy özgirish qozghashqa urunush qilmishidin kéyin herbiy sahede élip bérilghan islahatlar herbiy zawutlardimu bezi özgirishlerni keltürüp chiqardi. herbiy zawutlar mudapie ministirliqigha qarashliq herbiy zawutlar idarisi bilen herbiy paraxot zawutliri idarisigha tapshurup bérildi, türkiyede nöwette herbiy zawutlar idarisigha qarashliq nurghun muhim herbiy zawutlar bar bolup, bu zawutlar aktip halda ishlepchiqirish élip barmaqta, bu yazmida eskisheherdiki awiatsiye saheside muhim xizmetlerni wujudqa chiqiriwatqan 1-hawa rémont zawuti üstide toxtilimen. kéyinki yazmilirimizdimu bu zawutning netijilirini tonushturushni dawamlashturimiz.

1926-yili eskishehirde ayropilan rémont zawuti quruldi, bu zawut 1-hawa herbiy apparatliri rémont merkizi qomandanliqi 92 yashqa kirdi. bu zawutta 1950-yilghiche hawa armiyesi qomandanliqigha enge élinghan ayropilanlar rémont qilinatti, 1950-yildin bashlap küreshchi ayropilanlar rémont qilindi, arqidin 1970-yilghiche « F-84», « F-86 » we « F-100 » tipliq motorlar rémont qilindi.herbiy zawutlar 1968-yili tunji motorni ishlepchiqirip, ishlepchiqirish imkaniyitini téximu kéngeytti 1979-yili « F-4 » tipliq ayropilanlarning motorini rémont qilishqa bashlighan ayropilan zawuti 1980-yillardin kéyin bashqa ayropilanlarning motorlirini rémont qilishqa yüzlendi. 1992-yili tunji « F110» tipliq motorni qaytidin özgertip yéngi téxnikilarni qoshti. 1997-yili « F-4 » ayropilanlarni zamaniwilashturush layiheliri bashlidi, bu layihelerdin kéyin buninggha oxshash layihelermu élip bérildi. 2006-yili bashlighan xizmetler türtkiside türkiyening tunji motor sinaq üskünisi bolghan atilimgha yumshaq dital pirogrammisi qachilinip téximu ilghar haletke keltürüldi. bu zawut  2016-yili dölet mudapie ministirliqigha qarashliq herbiy zawutlar idarisigha ötküzülüp, 1-hawa rémont zawuti boldi.

nöwette 77 ayropilan rémont qilinmaqta

bu zawutta nöwette  yilda 260 inzhénér bolup jemiy 2300 ishchi-xizmetchi texminen 77 ayropilan rémont qilinidu. bu zawutta yilda 200 motor we bu motorlarning 6000 yürüsh üskünisi rémont qilinghandin sirt, 14000 motor zapchasliri  ishlepchiqirilidu. bu zwutta yene « F-16 PO-III », «  T-38M herisi» we « T-38 PC-III » tipliq hawa apparatlirini zamiwilashturush layiheliri üstide xizmet ishlenmekte. bu zawutta yene qorallarning inzhénérliq xizmetliri dairiside téxnikiliq bashqurush we rémont ishlirimu élip bérilmaqta. bu herbiy zawut hawa armiyesi qomandanliqining herbiy heriket iqtidarini östürüsh üchün qoral sistémiliri, herbiy üskünilerni ishlepchiqirish we  téxinikiliq bashqurush  qatarliq xizmetlerni élip barmaqta. döletning qollishidiki bu herbiy zawutta inzhinérlar, oféstirlar, tixnikiliq xadimlar, ishchilar we ilghar téxnikilar, üsküniler, saymanlar bar.

yawropaning ayropilan rémont merkizi

künimizde herbiy téxnologiye we awiatsiye saheside riqabete keskin bolmaqta, mushundaq bir weziyette 1-hawa rémont zawuti  ishlepchiqirish, rémont qilish, yerlik mehsulatlarni zamaniwilashturush saheliride xelqaraliq ölchem, süpet, bixeterlik  we qaide-pirinsiplargha asasen xizmet élip barmaqta. bu zawutning meqsiti: «zawutni hawa armiye qomandanliqining rayondiki eng küchlük hawa we alem qatnishi küchi bolushida rol oynaydighan merkezge aylandurush»tin ibaret. zawut türkiye armiyesiningla emes « JSF » ayropilanining « F135» motorining rayondiki rémont merkizi, shundaqla yawropa döletliriningmu rémont merkizi sewiyesige keldi.

bu zawut tejribilik ishchi-xizmetchiliri, mol tejribisi, alahidilikliri bilen künimizde dölet mudapie sanaitide qandaq muhim rol oynighan bolsa kelgüsidimu bu sahede muhim rol oynashini dawashturidu.



مۇناسىۋەتلىك خەۋەرلەر